លេងរាងធ្លាក់មែន តែ Man Utd ប្រាប់ Inter ថា មាន៧៥លានផោនចាំយក Lukaku

2019-07-12 02:57:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester United បានប្រាប់ទៅខាង Inter Milan ថា ពួកត្រូវតែស្វែងរក៧៥លានផោន ទើបអាចយក Romelu Lukaku បាន បើមិនអញ្ចឹងទេបំភ្លេចចោលទៅ។

នាយកផ្នែកកីឡារបស់ Inter លោក Piero Ausilio បានជជែកជាមួយអនុប្រធានរបស់ក្លឹប Man Utd គឺលោក Ed Woodward នៅការិយាល័យក្លឹបក្នុងទីក្រុងឡុងដ៏ ដោយពួកគេចាប់ផ្ដើមដំណើរការនៃការឈានទៅដល់កិច្ចព្រមព្រៀង។

អ្នកចាត់ការថ្មីរបស់ Inter លោក Antonio Conte បានបញ្ជាក់ច្បាស់ថា លោកចង់យក Lukaku វ័យ២៦ឆ្នាំដើរតួជាកីឡាករសំខាន់ ក្នុងគោលបំណងបញ្ចប់អំណាចរបស់ Juventus នៅ Serie A រដូវកាលក្រោយ។ ប៉ុន្តែបើតាមប្រភព SunSport ឲ្យដឹងថា United ទាមទារ៧៥លានផោនពី Inter ព្រោះជឿជាក់ Lukaku នៅមានតម្លៃនៅឡើយ។

កីឡាករសញ្ជាតិបែលហ្ស៊ិកធ្លាប់ប្រាប់ Solskjaer គេចង់ចាកចេញទៅកាន់ San Siro ក្នុងរដូវក្ដៅនេះ។ Inter ធ្លាប់បានរៀបកញ្ចប់ទឹកប្រាក់៦៥លានផោនដើម្បីយក Lukaku ដែល Man Utd ទិញពី Everton ៧៥លានផោនកាលពី២ឆ្នាំមុន៕

ប្រភព៖ The Sun ប្រែសម្រួល៖ ហេង សុធារិទ្ធិ