ជឿតាម Ronaldo ខ្សែការពារ De Ligt ព្រមផ្លាស់ទៅ Juventus ហើយ
- 2019-07-17 01:51:43
- ចំនួនមតិ 0 | ចំនួនចែករំលែក 0
ជឿតាម Ronaldo ខ្សែការពារ De Ligt ព្រមផ្លាស់ទៅ Juventus ហើយ
ចន្លោះមិនឃើញ
ខ្សែការពារ Matthijs de Ligt បានហោះទៅដល់ទីក្រុង Turin ហើយ ដើម្បីត្រៀមពិនិត្យសុខភាព និងបង្ហាញខ្លួនជាផ្លូវការឱ្យក្រុម Juventus ក្នុងតម្លៃខ្លួន៦៣លានផោន។
កីឡាករវ័យ១៩ឆ្នាំនេះ នឹងក្លាយជាកីឡាករមានតម្លៃខ្លួនថ្លៃជាងគេបំផុតរបស់ក្លឹប ហើយក៏ជាកីឡាករមានតម្លៃពលកម្មខ្ពស់ជាងគេលំដាប់លេខ២ផងដែរ បន្ទាប់ពី Cristiano Ronaldo ។ កុងត្រារបស់គេមានតម្លៃ៦៣លានផោន ហើយនឹងឡើង១០,៨លានផោនទៀត ប្រសិនបើជួយក្រុមបានឈ្នះពានរង្វាន់។
De Ligt នេះ មានក្លឹបជាច្រើនចង់បានដូចជា Barcelona , Real Madrid អីជាដើម ប៉ុន្តែគេបែរជាព្រមមកលេងនៅ Juventus វិញ។ គេនៅចាំបានថា Ronaldo ធ្លាប់ហៅកីឡាកររបស់ Ajax ម្នាក់នេះមកលេងជាមួយគ្នាម្ដង ក្នុងការប្រកួត UEFA Nations League វគ្គផ្ដាច់ព្រ័ត្រ៕