Solskjaer ថាចង់ជួសជុល Man Utd មិនមែនប្រើពេល១ថ្ងៃបានឡើយ
- 2019-07-17 07:16:28
- ចំនួនមតិ 0 | ចំនួនចែករំលែក 0
Solskjaer ថាចង់ជួសជុល Man Utd មិនមែនប្រើពេល១ថ្ងៃបានឡើយ
ចន្លោះមិនឃើញ
Ole Gunnar Solskjaer សារជាថ្មីបានបញ្ជាក់ថា ការស្ដារក្រុម Manchester United ឡើងវិញមិនអាចប្រើពេលឆាប់រហ័សតាមចិត្តចង់នោះទេ។
United បានខ្ទាតដល់លេខ៦កាលពីរដូវកាលមុន មានគម្លាតរហូតដល់៣២ពិន្ទុ ពីក្រុមជើងឯកលីគកំពូលអង់គ្លេស Manchester City។ ក្លឹបរហស្សនាមបិសាចក្រហមបានចាប់ផ្ដើមរុះរើសមាសភាពកីឡាករឡើងវិញ និងបានយកសមាជិកថ្មី២រូបគឺ Daniel James និង Aaron Wan-Bissaka ពីក្រុម Swansea City និង Crystal Palace។
អ្នកចាត់ការសញ្ជាតិន័រវែសរំពឹងថានឹង ទិញបានកីឡាករមួយចំនួនទៀតមុនទីផ្សារដោះដូរកីឡាករបិទទ្វារ និងបានទទូចឲ្យអ្នកគាំទ្រធ្វើការអត់ធ្មត់ខ្ពស់បំផុត។
"ពួកយើងកំពុងធ្វើការដែលត្រូវធ្វើ។ យើងស្វែងរក, កំណត់ចំណាំកីឡាករ និងទាក់ទង ប៉ុន្តែកីឡាករដែលចង់បានគឺមានក្លឹបរបស់គេ ដូច្នេះយើងត្រូវការពេលវេលា។ បច្ចុប្បន្ននេះបើទោះទិញកីឡាករ១០នាក់ក៏មិនប្រាកដថាជោគជ័យដែរ ណាមួយតម្លៃខ្លួនកីឡាករមានការប្រែប្រួលខ្លាំងខុសកាលពីមុន"។ Solskjaer និយាយដូច្នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
