Spurs បើកផ្លូវឲ្យ Danny Rose ចាកចេញក្រោយមិនចូលរួមប្រកួតកម្ដៅសាច់ដុំ
- 2019-07-18 03:05:10
- ចំនួនមតិ 0 | ចំនួនចែករំលែក 0
Spurs បើកផ្លូវឲ្យ Danny Rose ចាកចេញក្រោយមិនចូលរួមប្រកួតកម្ដៅសាច់ដុំ
ចន្លោះមិនឃើញ
Danny Rose និងកីឡាករ២រូបផ្សេងទៀតមាន Vincent Janssen និង Georges-Kevin Nkoudou បានសម្រេចចាកចេញពី Tottenham Hotspur ដើម្បីស្វែងរកទ្រនំថ្មី។
កីឡាករទាំង៣ខាងលើគ្មានឈ្មោះទៅហ្វឹកហាត់ប្រកួតកម្ដៅសាច់ដុំនៅទ្វីបអាស៊ី ជាមួយមិត្តរួមក្រុមផ្សេងទៀតនោះទេ។ Spurs បានបង្ហាញឈ្មោះកីឡាករ២៦រូបសម្រាប់ចូលរួមពាន International Champions Cup ដែលរៀបចំឡើងនៅសិង្ហបុរី និង ទីក្រុងសៀងហៃ ប្រទេសចិន។
Rose, Janssen និង Nkoudou ត្រូវក្លឹបដកឈ្មោះចេញដើម្បីមានឱកាសទៅចរចាជាមួយក្លឹបថ្មីដែលចង់បានពួកគេខណៈ ក្រុមរហស្សនាមមាន់ខ្នាយមាស ចង់បានតម្លៃ២៥លានផោនពី Danny Rose ដែលមានវ័យ២៩ឆ្នាំ និងលេងជាខ្សែការពារឆ្វេង។
Ben Davies បានប្រជែងឈ្នះ Rose សម្រាប់ជម្រើសដំបូង ហើយ Janssen លេងបាន៣ប្រកួតប៉ុណ្ណោះក្រោមការដឹកនាំរបស់លោក Pochettino រដូវកាលមុន។ Nkoudou វិញត្រូវ Monaco ខ្ចីជើងកាលពីពាក់កណ្ដាលរដូវកាលមុនក្រោយគ្មានជម្រើសលេងនៅ Spurs៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
