អ៊ីស្លង់ប្រកាសផ្អាកនេសាទត្រីបាឡែន នៅរដូវក្ដៅនេះដែលមិនធ្លាប់មានជិត ២ទសវត្ស
- 2019-07-18 03:05:00
- ចំនួនមតិ 0 | ចំនួនចែករំលែក 0
អ៊ីស្លង់ប្រកាសផ្អាកនេសាទត្រីបាឡែន នៅរដូវក្ដៅនេះដែលមិនធ្លាប់មានជិត ២ទសវត្ស
ចន្លោះមិនឃើញ
ក្រុមអ្នកនេសាទក្នុងប្រទេសអ៊ីស្លង់ នឹងមិនធ្វើការនេសាទត្រីបាឡែនទេនារដូវក្ដៅឆ្នាំនេះ ដែលជាលើកដំបូងបង្អស់មិនធ្លាប់មានក្នុងរយៈពេល ១៧ឆ្នាំ។
យោងតាមក្រុមហ៊ុននេសាទដែលទទួលបានសិទ្ធិក្នុងប្រទេសអ៊ីស្លង់ ឲ្យដឹងថាខ្លួននឹងមិនចេញនេសាទត្រីបាឡែនទេនៅឆ្នាំនេះ ដោយសារតម្រូវការធ្លាក់ចុះខ្លាំងជាពិសេសក្នុងប្រទេសជប៉ុន។ ដោយឡែកពួកគេ នឹងធ្វើការនាំចូលសាច់ត្រីនេះក្នុងបរិមាណតិចតួចប៉ុណ្ណោះពីប្រទេសន័រវេសដើម្បីផ្គត់ផ្គង់តម្រូវការក្នុងស្រុក។ លោក Kristjan Loftsson នាយកគ្រប់គ្រងក្រុមហ៊ុននេសាទឲ្យដឹងថា "ដោយសារតម្រូវការធ្លាក់ចុះក្នុងទីផ្សារប្រទេសជប៉ុន ធ្វើឲ្យពួកយើងពិបាកលក់ត្រីបាឡែន ដូច្នេះយើងមិនចាំបាច់ចេញទៅនេសាទពួកវាទេ ហើយយើងនឹងងាកទៅរកនេសាទកាំប្រម៉ាសមុទ្រជំនួសវិញ។
គួរឲ្យដឹងថា ការធ្លាក់ចុះតម្រូវការពីប្រទេសជប៉ុននេះ គឺដោយសារតែពួកគេចាប់ផ្ដើមនេសាទត្រីបាឡែនដោយខ្លួនឯងឡើងវិញ ក្រោយផ្អាកដំណើរការអស់រយៈពេលជាង ៣១ឆ្នាំ៕