Lampard ថា​ Chelsea ល្អ​គ្រប់គ្រាន់​មិន​ត្រូវ​ការ​កីឡាករ​ថ្មី​ឡើយ​

  • 2019-07-18 06:59:38
  • ចំនួនមតិ 0 | ចំនួនចែករំលែក 0

ចន្លោះមិនឃើញ


Frank Lampard និយាយ​ថា​ខ្លួន​ "រីករាយ​" ជាមួយ​កីឡាករ​ដែល​មាន​ក្នុង​ក្រុម​ មុន​ពេល​ពួកគេ​ត្រូវ​ប៉ះ​ FC Barcelona និង​​ Kawasaki Frontale សម្រាប់​ជំនួប​កម្ដៅ​សាច់ដុំ។​

Lampard

ការ​និយាយ​បែប​នេះ​ស្រប​ពេល​ដែល​សហព័ន្ធ​បាល់ទាត់​ទ្វីប​អឺរ៉ុប​ ​ហៅ​កាត់​ UEFA បាន​ពិន័យ​មិន​ឲ្យ​ Chelsea ទិញ​ដូរ​កីឡាករ​ថ្មី​អំឡុង​ពេល​ទីផ្សារ​ដោះដូរ​បើក​ នៅ​រដូវ​ក្ដៅ​នេះ​ និង​រដូវ​រងា​ ក្នុង​ខែ​មករា​ ឆ្នាំ​២០២០។​ Lampard បាន​ធ្វើ​ដំណើរ​ទៅ​ប្រទេស​ជប៉ុន​ជាមួយ​កីឡាករ​សរុប​២៤​នាក់​ដែល​ខ្លួន​មាន។​ ​​

អ្នក​ចាត់ការ​សញ្ជាតិ​អង់គ្លេស​ឲ្យ​ដឹង​ថា​ ក្រុម​របស់​ខ្លួន​មាន​សមត្ថភាព​គ្រប់គ្រាន់​អាច​ទទួល​យក​បាន​ហើយ ទោះ​ទិញ​កីឡាករ​ថ្មី​បាន​ឬ​មិន​បាន​ក៏​គ្មាន​បញ្ហា​ដែរ។​ Chelsea បាន​ស្មើ​ជាមួយ​ Bohemians និង​ឈ្នះ​ St Patrick's Athletic នៅ​២​ប្រកួត​មុន​។

ក្រុម​រហស្សនាម​តោ​ខៀវ​ នឹង​ប្រឈម​មុខ​ម្ចាស់​ផ្ទះ​ជប៉ុន​ Kawasaki Frontale នៅ​ថ្ងៃ​ស្អែក​នា​កីឡដ្ឋាន Nissan ទីក្រុង​ Yokohama និង​បន្ត​ប៉ះ​គីឡូ​ធ្ងន់​ FC Barcelona នៅ​ថ្ងៃ​អង្គារ​សប្ដាហ៍​ក្រោយ​នៅ​កីឡដ្ឋាន​ Saitama៕

ប្រភព៖ Football Channel   ប្រែសម្រួល៖ រ័ត្ន