Barca ដាក់លក្ខខ័ណ្ឌកាន់តែឡូយកប់ពពកជាមួយ PSG ដើម្បីយក Neymar

2019-07-19 02:49:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Barcelona ត្រូវបានគេរាយការណ៍ថា បានដាក់សំណើទៅកាន់ Paris Saint-Germain នូវទឹកប្រាក់៩០លានផោនបូកជាមួយកីឡាករ២រូបទៀត ដើម្បីផ្ទេរយក Neymar មកកាន់អេស្ប៉ាញវិញ។

Barca បានផ្ដល់ទៅកាន់ PSG នូវបញ្ជីកីឡាករចំនួន៦រូប ដែលពួកគេអាចជ្រើសរើស២នាក់ក្នុងលក្ខខ័ណ្ឌផ្ទេរមួយនេះ។ Philippe Coutinho, Ousmane Dembele, Ivan Rakitic, Nelson Semedo និង Malcom ជាកីឡាករស្ថិតក្នុងបញ្ជី ខណៈកីឡាករទី៦គេនៅមិនទាន់ដឹងឈ្មោះនៅឡើយ។

កាលពីដើមសប្ដាហ៍ Neymar បានប្រាប់ទៅកាន់នាយកផ្នែកកីឡាកររបស់ PSG លោក Leonardo ថា គេមិនចង់បន្តនៅជាមួយក្លឹបទៀតទេ។ ក្រោយពិចារណាប៉ុន្មានថ្ងៃក្រោយមក ក្លឹបអ្នកមានរបស់បារាំងមួយនេះបានយល់ព្រមជាមួយសំណើរបស់ Neymar។ ហើយពួកគេកំណត់ចង់លក់យកតម្លៃដើមមកវិញ ១៩៨លានផោនដូចកាលដែលទិញនៅឆ្នាំ២០១៧។

តែដោយសារទើបតែទិញ Antoine Griezmann ក្នុងតម្លៃ១០៨លានផោន Barcelona មិនចង់ចំណាយប្រាប់ច្រើនបន្ថែមទៀត ព្រោះអាចខុសច្បាប់តុល្យភាពហិរញ្ញវត្ថុរបស់ UEFA ទើបពួកគេជ្រើសរើសវិធីយកកីឡាករ២រូបដើម្បីប្ដូរ និងដាក់សំណើតម្លៃទាប៕

ប្រភព៖ Dailymail ប្រែសម្រួល៖ ហេង សុធារិទ្ធិ