Klopp បានចាញ់ក្រោមថ្វីជើងក្រុមចាស់ Dortmund របស់ខ្លួន ២-៣ ប្រកួតមុនបើករដូវកាល

2019-07-20 08:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Liverpool បានបរាជ័យក្នុងលទ្ធផល ២-៣ ប្រកួតមុនបើករដូវកាល ទល់នឹងក្រុមចាស់ Borussia Dortmund របស់ Jurgen Klopp នៅ Notre Dame ។

Paco Alcacer បានស៊ុតបញ្ចូលទីឲ្យ BVB ត្រឹម៣នាទីប៉ុណ្ណោះ នៅពេលដែលខ្សែការពារ Liverpool មិនមានលទ្ធភាពបញ្ជូនបាល់ចោលនៅក្នុងតំបន់គ្រោះថ្នាក់។

Harry Wilson តាមបានស្មើឲ្យ Liverpool មកវិញនៅនាទី៣៤។ ចូលដល់តង់ទី២ Simon Mignolet បានសង្រ្គោះបាល់យ៉ាងល្អពី Marius Wolf។ ប៉ុន្តែយ៉ាងណាក្តី ក្រុម Dortmund ថែមបាន២គ្រាប់ទៀត ធ្វើឲ្យលទ្ធផល ៣-១ ខណៈម៉ោងលេងនៅសល់ ៣២នាទីទៀត។

Klopp ឆ្លេឆ្លាយ៉ាងខ្លាំងនៅតំបន់ខ្សែបន្ទាត់ ហើយភ្លាមៗនោះបានផ្លាស់ប្តូរទម្រង់លេងរបស់ក្រុម។ នៅនាទី៧៥ កីឡាករកើតឆ្នាំ២០០០ របស់ហង្សក្រហម Rhian Brewster បានទាត់បាល់ប៉េណាល់ទីបាន១គ្រាប់មកវិញ។

Klopp បានប្តូរកីឡាករអស់១០នាក់រួមនឹង Virgil van Dijk និង Jordan Henderson ផងដែរដើម្បីឲ្យពួកគេបានកំដៅសាច់ដុំមុនបើករដូវកាល៕

ប្រភព៖ Express ប្រែសម្រួល៖ សុខ លាងហ៊ត