ណាសាធ្វើពិធីរំលឹកខួប ៥០ឆ្នាំ នៃបេសកកម្មទៅឋានព្រះចន្ទដំបូងគេបង្អស់ក្នុងពិភពលោក

2019-07-22 03:33:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាជនរាប់ពាន់នាក់មកពីជុំវិញពិភពលោក បាននាំគ្នាប្រារព្ធពិធីរំលឹកខួប ៥០ឆ្នាំនៃការចុះចតលើកដំបូងបង្អស់លើឋានព្រះចន្ទកាលពីថ្ងៃទី ២០ខែកក្កដាឆ្នាំ ១៩៦៩ដោយអាប៉ូឡូទី ១១របស់ណាសា។

អវកាសយានិកអាមេរិកលោក Neil Armstrong បានបង្កើតប្រវត្តិសាស្ត្រដោយក្លាយជាមនុស្សដំបូងគេបង្អស់ដែលអាចជាន់លើផ្ទៃព្រះចន្ទកាលពីវេលាម៉ោង ២១:៥៦នាទីយប់កាលពីឆ្នាំ ១៩៦៩។ រយៈពេល ២០នាទីក្រោយមកទៀត លោក Buzz Aldrin បានក្លាយជាមនុស្សទី ២ដែលបានចុះតាមក្រោយលោក Armstrong ខណៈពេលដែលសមាជិកនៃបេសកកម្មម្នាក់ទៀត គឺលោក Michael Collins ស្ថិតនៅក្នុងយាន។

ណាសាបានប្រារព្ធពិធីរំលឹកខួប ៥០ឆ្នាំនេះដោយធ្វើការផ្សាយដំណើរការបេសកកម្មទាំងស្រុងសម្រាប់ឲ្យមនុស្សជំនាន់ថ្មីបានឃើញពីព្រឹត្តិការណ៍ជាប្រវត្តិសាស្ត្រដែលត្រូវបានឃ្លាំមើលដោយមនុស្សជាងកន្លះលាននាក់កាលពី ៥០ឆ្នាំមុន។ ក្រៅពីនេះ ក៏មានការបង្ហាញការលោកឆ័ត្រយោងដោយយោធា ក៏ដូចជាការប្រគុំតន្រ្តី និងការរាប់ថយក្រោយនៅពេលដែលលោក Armstrong ឈានជើងជាន់ឋានព្រះចន្ទលើកដំបូងផងដែរ។