១. YouTube Spotlight - YouTube Rewind 2018: Everyone Controls Rewind ៖ ១៦,៤៤ លាន dislike

វីដេអូ​នេះ​បង្ហោះ​នៅ​ចុង​ឆ្នាំ​ ២០១៨ ដើម្បី​អបអរ​និង​សង្ខេប​នូវ​​អ្វីៗ​ដែល​កំពុង​តែ​ពេញ​និយម​នៅ​ក្នុង YouTube ។ ដោយ​ឡែក​នៅ​ឆ្នាំ ២០១៨ វីដេអូ​នេះ​បាន​បង្កើត​ឡើង​ ហើយ​ផ្ដោត​សំខាន់​តែ​ទៅ​លើ​ Fortnite និង Youtubers ថ្មីៗ ដែល​ធ្វើ​ឲ្យ​ fan នីមួយៗ​ពុំ​សូវ​សប្បាយ​ចិត្ត​។

២. Justin Bieber ft. Ludacris- Baby ៖ ១០,៦៥ លាន dislike

រយៈពេល ៧ ឆ្នាំ​ជាង វីដេអូ​នេះ​តែង​ស្ថិត​នៅ​ចំណាក់​ថ្នាក់​លេខ​ ១ ដែល​ទទួល​បាន​ dislike ច្រើន​ជាង​គេ ប៉ុន្តែ​ធ្លាក់​មក​លេខ ២ បន្ទាប់​ពី​ YouTube Rewind 2018 ចេញ​មក​។ Disllike យ៉ាង​ច្រើន​នេះ​ មក​ពី​ មនុស្ស​នៅ​ជុំវិញ​ពិភពលោក​ភាគ​ច្រើន​មិន​ចូល​ចិត្ត Justin Bieber ។​

៣. Jake Paul ft. Team 10 – It's Everyday Bro ៖ ៤,៣ លាន dislike

ការ​មិន​ចូលចិត្ត​លើ​វីដេអូ​បទចម្រៀង​នេះ​អាច​មក​ពី​ច្រើន​មូលហេតុ​ដូចជា បទ​នេះ​ប្រើ​ពាក្យ​មិន​គួរ​សម​, បទ​មិន​ពីរោះ, ​អួត​ច្រើន,​ និង​មាន​គេ​មិន​ចូលចិត្ត​ Jake Paul និង Team 10 ច្រើន​ ។

៤. PewDiePie – Can this video get 1 million dislike? ៖ ៤,២ លាន dislike

ដូច​ទៅ​នឹង​អ្វី​ដែល​ចំណង​ជើង​បាន​បក​ស្រាយ​អញ្ចឹង​គឺ នៅ​ក្នុង​វីដេអូ​នេះ​ PewDiePie ធ្វើ​ឆ្កួតៗ​ដើម្បី​សុំ​ ១ លាន dislike​។

៥. Luis Fonsi ft. Daddy Yankee – Despacito ៖ ៤,១ លាន dislike

បទ​នេះ​ទទួល​បាន​ចំណាក់​ថ្នាក់​លេខ​ ១​ ក្នុង​ YouTube ដែល​ជា​វីដេអូ​មាន​គេ​មើល​ច្រើន​បំផុត​រហូត​ដល់​ច្រើន​ជាង ៦ ពាន់​លាន​នាក់​មើល​។ ដូច្នេះ​មិន​មាន​អ្វី​ចម្លែក​ទេ បើ​ក្នុង​នោះ​មាន​អ្នក​មិន​ចូល​ចិត្ត​៕

ប្រភព៖ YouTube   ប្រែ​សម្រួល៖ អ៊ឹម ដេវីដ