អ្នកលក់អនឡាញ ទម្លាយល្បិចលក់ទំនិញតាមហ្វេសប៊ុក
- 2019-07-23 00:22:19
- ចំនួនមតិ 0 | ចំនួនចែករំលែក 0
អ្នកលក់អនឡាញ ទម្លាយល្បិចលក់ទំនិញតាមហ្វេសប៊ុក
ចន្លោះមិនឃើញ
ដោយសារបច្ចេកវិទ្យាមានការរីកចម្រើនខ្លាំង នៅប៉ុន្មានឆ្នាំចុងក្រោយនេះចំនួនអ្នកលក់ទំនិញតាមអនឡាញមានការកើនឡើងគួរឱ្យកត់សំគាល់ ពិសេសការដាក់លក់ទំនិញតាមបណ្ដាញសង្គមហ្វេសបុក(Facebook)។ អ្នកលក់ទំនិញអនឡាញមួយរូបសុំមិនបញ្ចេញឈ្មោះបានឱ្យដឹងថា ដើម្បីទទួលជោគជ័យលក់អ្នកលក់ទំនិញលើហ្វេសបុក គេត្រូវមានវិធីសាស្ត្រផុសដាក់លក់ទំនិញ បូកផ្សំនឹងបច្ចេកទេសមួយចំនួន។
ទី១ ចាប់ផ្ដើមផុសរូបភាពផលិតផលស្អាតៗ ទាក់ទាញ
ការផុសរូបផលិតផលស្អាតៗ និងទាក់ទាញគឺជាចំណុចចាប់ផ្ដើមមួយធ្វើឱ្យមិត្តភ័ក្ដិនៅក្នុងបណ្ដាញសង្គមចាប់អារម្មណ៍ថា ជាអ្នកលក់ផលិតផល និងអាចទាក់ទងដឹងពីគុណភាពតាមរយៈយើងបាន។
ទី២ ការផុស
រាល់ការផុសផលិតផល ត្រូវថេក(Tag)ទៅមិត្តភ័ក្ដិ (Tag Friend) យ៉ាងតិច ៥០ នាក់ ទៅ ៩៩ នាក់ ប៉ុន្តែត្រូវប្រាកដថា មិត្តភ័ក្ដិ ដែលយើងថេក(Tag)ទៅជាមនុស្សជិតស្និត និងចង់ដឹងពីផលិតផលថ្មីៗ ដើម្បីជៀសវាងការរំខានដល់មិត្តភ័ក្ដិ ក្នុងបណ្ដាញសង្គម។ ម្យ៉ាងបើផលិតផលទាក់ទងនឹងបុរសត្រូវថេកទៅបុរស បើផលិតផលទាក់ទងនឹងស្រ្តីចូលថេកទៅស្រ្តី។ជៀសវាងផលិតបុរស តែថេកទៅស្រ្តី។
ទី៣ កុំថេកទៅមិត្តភ័ក្ដិដដែលៗ
រាល់ការផុសរូបភាពផលិតផលថ្មីៗ ត្រូវតែថេកប្រេនថ្មីៗ កុំថេកមិត្តភ័ក្ដិដដែលៗ ពិសេសមិត្តភ័ក្ដិដែលយើងបានផុសថេករួចម្ដង។
ទី៤ រាល់ការផុសត្រូវធ្វើជាប្រចាំ
រាល់ការផុតផលិតផលត្រូវធ្វើរាល់ថ្ងៃ បើមានពេលផុស ៤ដង ទៅ៥ដង ក្នុង១ថ្ងៃ លើផលិតផលណាមួយដែលយើងចង់លក់។
ទី៥ រៀបរាប់ពីផលិតផល និងសកម្មភាព
ជាអ្នកលក់មួយរូបយើងអាចរៀបរាប់ និងបង្ហោះលើបណ្ដាញសង្គម មានដូចជា អីវ៉ាន់ចូលស្តុក លក់ចេញ អតិថិជន Order រៀបអីវ៉ាន់ចេញស្តុក និងចេះផុសត្រាម៉ា(Drama) ជាមួយផលិតផលឱ្យបានច្រើន ឧទាហរណ៍ ( អតិថិជន កម្មង់ច្រើនពេក អត់អីវ៉ាន់ឱ្យគេ ) ប្រើហើយពិតជាល្អមែន ជាប់ចិត្ត) ( ដាច់ស្តុកទៀតហើយ កូនៗ)។
ទី៦ ពិនិត្យមើលមិត្តភ័ក្ដិ ក្នុងហ្វេសបុក
អ្នកអាចមើលចំនួនមិត្តភ័ក្កិ( Friend) ក្នុងហ្វេសបុក(Facebook) តើមាន ចំនួនប៉ុន្មាន មានតិចអាច Add ថ្មីឱ្យបានច្រើនក្បែរ ៥ពាន់នាក់ ។ ករណីមានច្រើនគ្រប់ ៥ពាន់ អាចពិនិត្យ និង Unfriend មិត្តណាដែល មើលទៅមិនសាកសម អាចទិញប្រើប្រាស់ផលិតផល។
ទី ៧ ត្រូវប្រាកដក្នុងចិត្តចង់ក្លាយជាអ្នកលក់អនឡាញ
មុនចាប់ផ្ដើម លក់អនឡាញត្រូវ ប្រាកដថា ពិតជា ចង់ក្លាយជាអ្នកលក់ ហើយត្រូវ រៀបចំខ្លួន មានដូចជា ថតជាមួយផលិតផល ប្រើប្រាស់ ផលិតផល នឹងថតកាន់ផលិតផល ហើយផុស ឬ ថតវីឌីអូ និយាយពីផលិតផលដាក់ Cover រូប តំណាងផលិតផល មានដូចជាក្រុមហ៊ុន ឬច្បាប់ ផ្សេងៗ ពាក់ព័ន្ធផលិតផលងាយអតិថិជន ចូលអាខោនឃើញផលិតផលមានច្បាប់ត្រឹមត្រូវ។
ទី ៨ ត្រូវស្គាល់ផលិតផល
មុននឹងក្លាយជាអ្នកលក់ដ៏ពូកែ អ្នកលក់ត្រូវខិតខំស្វែងយល់ពីផលិតផលឱ្យច្បាស់ នឹងរបៀបប្រើប្រាស់។ ផលិតផលណាគួរប្រើ និងមិនគួរប្រើតាមវ័យរបស់អតិថិជន។
ទី៩ កុំគិតរឿងលក់មិនដាច់
អ្នកលក់អនឡាញត្រូវមានការអត់ធ្មត់ និងតស៊ូផុស រហូតឱ្យបាន១ខែយ៉ាងតិច កុំគិតរឿងផុស ឬខ្លាចលក់មិនដាច់ ១ខែ ដំបូងកុំគិតរឿង បានប្រាក់ចំណេញ។ ដូច្នេះបើលក់មិនដាច់អ្នកលក់អនឡាញត្រូវអាននូវចំណុចខាងលើថា តើបានអនុវត្តដូចបានរៀបរាប់ហើយឬនៅ?។