ម៉ូតូកង់បី ក្នុងប្រទេសហ្វីលីពីន ត្រូវអាជ្ញាធរដកមួយចំនួនធំ មិនឲ្យរត់លើដងផ្លូវ

2019-07-26 02:27:27
ចំនួនមតិ 0 | ចំនួនចែករំលែក 0

ចន្លោះមិនឃើញ

អាជ្ញាធរក្រុងម៉ានីឡា ប្រទេសហ្វីលីពីន បានសម្រេចដក ម៉ូតូកង់បី ដើរដោយថាមពលអគ្គិសនីចំនួន ៣០០ គ្រឿងមិនឲ្យចរាចរណ៍លើដងផ្លូវក្នុងក្រុង។ មូលហេតុដែលឈានដល់ការសម្រេចបែបនេះ ត្រូវបានគេដឹងថា ជាការរំដោះដងផ្លូវមិនឲ្យមានកកស្ទះខ្លាំង ដែលបណ្ដាលមកពីចំនួនដ៏ច្រើនលើសលប់នៃម៉ូតូកង់បីប្រភេទនេះនៅទីក្រុងម៉ានីឡា។

រូបតំណាង

អ្នកនាំពាក្យរដ្ឋាភិបាលហ្វីលីពីនលោក Mayor Isko Moreno បានប្រាប់អ្នកសារព័ត៌មានថា ការធ្វើបែបនេះ ខាងរដ្ឋាភិបាលមានគោលបំណង ចង់ជំរុញឲ្យជំនួសមកវិញនូវប្រភេទ Jeepneys ឬ Jeep MiniBus (ឈ្មោះដែលអ្នកស្រុកហ្វីលីពីននិយមហៅ វាគឺជាប្រភេទរថយន្តដឹកអ្នកដំណើរសាធារណៈ)។

Jeepneys

លោកក៏បានស្នើឲ្យ យានកង់បីទាំងនោះ ត្រូវតែមានប័ណ្ណសំគាល់យានយន្តដែលចេញដោយស្ថាប័នពាក់ព័ន្ធ ដូចជាជាការិយាល័យទទួលបន្ទុកមុខងារសាធារណការនិងដឹកជញ្ជូនជាដើម មុននឹងអាចមានសិទ្ធចរាចរណ៍លើដងផ្លូវបាន។

ទោះជាយ៉ាងនេះក្ដី សង្កេតឃើញថា ប្រជាពលរដ្ឋហាក់មិនសប្បាយចិត្តនឹងការសម្រេចចិត្តបែបនេះ ក៏ព្រោះតែយានកង់បី ដើរដោយថាមពលអគ្គិសនីនេះ មានច្រើន ចល័តបានរហ័ស និងងាយស្រួលក្នុងរកជិះ ជាងរថយន្តដឹកអ្នកដំណើរសាធារណៈដែលហ្វីលីពីនធ្លាប់ប្រើតាំងពីយូរយារណាស់មកហើយ៕

ប្រភព៖ topgear ប្រែសម្រួល៖ រក្សា