ស្មាតហ្វូនកាមេរ៉ា Selfie ល្អដាច់គេ ចាប់បើកឲ្យកម្មង់ទិញនៅសហរដ្ឋអាមេរិក

2019-08-06 02:00:24
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីក្រុមហ៊ុន Asus បានប្រកាសចេញ Zenfone 6 កាលពីខែមុន និងព្រមទាំងទទួលបានចំណាត់ថ្នាក់ ថាជា ស្មាតហ្វូនកាមេរ៉ា Selfie ល្អដាច់គេ ផ្ដល់ពិន្ទុដោយ DXOMark ផងនោះ។ នៅពេលនេះស្មាតហ្វូនរាងចម្លែក បានបង្ហាញលើវិបសាយលក់រាយ B&H សម្រាប់ការកម្ម៉ង់ទិញនៅទឹកដីសហរដ្ឋអាមេរិក។

សម្រាប់ជម្រើសមេម៉ូរី ៦៤GB (RAM 6GB)តម្លៃ ៥០០ ដុល្លារ ខណៈដែលមេម៉ូរី ១២៨GB តម្លៃ ៥៥០ ដុល្លារ(RAM 6GB)។

សម្រាប់កត្តាដែលរុញឲ្យ ZenFone 6 ក្លាយជាស្មាតហ្វូនថត Selfie បានល្អបំផុត ក៏ដោយសារផ្នែកនៃម៉ូឌុលកាមេរ៉ាបែបបង្វិលចុះឡើង ប្រើឡេនមេតែមួយ មានទំហំ 48MP+13MP។ ជាងនេះទៅទៀតជាមួយមុខងារ Natural Bokeh ដែលអាចផ្តិតយករូបភាព Selfie បែបព្រាល Background បានដាច់ល្អសម្រាប់ការថតម្នាក់ ប៉ុន្តែនៅជាបញ្ហាបន្តិចសម្រាប់ការថតជាក្រុម។ បូកផ្សំនឹងគ្រាប់ Flash LED ភ្លោះ ជំរុញឲ្យការថតនៅទីងងឹតលែងជាបញ្ហាទៀតហើយ។

ផ្នែកនៃការថតវីដេអូ ជំនាន់ក្រោយរបស់ Asus ក៏អាចផ្តិតយកដល់កម្រិត 4K ដែលមានភាពច្បាស់ម៉ត់ល្អ គ្រាប់ Noise តិច ត្បិតថតលក្ខណៈ Indoor ឬក្រោមពន្លឺថ្ងៃនៅខាងក្រៅក៏ដោយ៕

ប្រភព៖ GSMarena ប្រែសម្រួល៖ រក្សា