អាហារ៩ប្រភេទ បំផ្លាញជីវិតសិច ដោយមិនដឹងខ្លួន

អង្គារ, 18 វិច្ឆិកា 2014 17:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីអាហារដែលជួយជម្រុញថាមពលផ្លូវភេទ ក៏មានអាហារមួយចំនួនដែលមានផលមិនល្អចំពោះរឿងលើគ្រែនោះដែរ។ ជាក់ស្ដែងប្រភេទអាហារ៩មុខដ៏គួរឲ្យភ្ញាក់ផ្អើលខាងក្រោមនេះ ត្រូវបានគេរកឃើញថាអាចបំផ្លាញជីវិតសិចរបស់អ្នកដោយមិនខ្លួន បើទទួលច្រើនពេក៖

១. សណ្ដែកសៀង

សណ្ដែកសៀងមានផ្ទុកសារធាតុ phytoestrogens និង isoflavones ដែលធ្វើឲ្យមានការថយចុះកម្រិតអ័រម៉ូនសិច (testosterone) ១៩%។ គេបានរកឃើញថាការទទួលទានសណ្ដែកសៀងច្រើនជាង ១២០ មិល្លីក្រាមក្នុងមួយថ្ងៃ អាចធ្វើឲ្យចំនួនមេជីវិតឈ្មោលមានការធ្លាក់ចុះ។ ដូចនេះត្រូវនិយាយថាទេចំពោះសណ្ដែកសៀងដើម្បីឲ្យជីវិតផ្លូវភេទអ្នកបានរីករាយ។

២. ឈីស (Cheese)

ឈីសដែលមានដាក់លក់នៅលើទីផ្សារ មិនបានផ្សំពីធម្មជាតិ និងត្រូវបានគេដាក់ថ្នាំប្រឆាំងមេរោគថែមទៀតផងដើម្បីធ្វើឲ្យវានៅតែស្រស់ល្អ។ សារធាតុគីមីទាំងនោះធ្វើឲ្យប៉ះពាល់ដល់កម្រិតអ័រម៉ូន testosterone និង អ័រម៉ូន estrogen ក្នុងរាងកាយ និង បង្កើនកម្រិតអ័រម៉ូន xenoestrogenes ដែលធ្វើឲ្យប៉ះពាល់ដល់មុខងារផ្លូវភេទ។ ដូចនេះប្រសិនបើលោកអ្នកចង់បានចំណង់ខ្លាំងគួរតែទទួលទានប៊័រជំនួសវិញទើបប្រសើរ។

៣. ជីរអង្កាម

ជាការពិតណាស់ដែលជីរអង្កាមល្អចំពោះប្រព័ន្ធរំលាយអាហារ និងល្អសម្រាប់ការដកដង្ហើម ប៉ុន្តែវាមានផលប៉ះពាល់ចំពោះជីវិតផ្លូវភេទវិញ។ ជីរអង្កាមមានជាតិ Menthol ដែលជួយឲ្យខ្យល់ដង្ហើមត្រជាក់ តែវាក៏ធ្វើឲ្យចំណង់ថយចុះនោះដែរ។

៤. ពោត

អ្នកប្រាកដជាមានភាពភ្ញាក់ផ្អើលនៅពេលដែលដឹងថាពោតធ្វើឲ្យប៉ះពាល់ដល់ការរួមភេទ។ វាមានសារធាតុ anti-aphrodisiac ដែលធ្វើឲ្យថាមពលភេទថយចុះពេលកំពុងប្រតិបត្តិការ។ ក្រៅពីនេះទៅទៀត វាក៏អាចបន្ថយបំណងចង់ឡើងគ្រែរបស់មនុស្សយើងបានដែរ។

៥. ស្ករសិប្បនិមិត្ត

អ្នកអាចការពារពីជំងឺទឹកនោមផ្អែមបានដោយទទួលទានស្ករសិប្បនិម្មិត ប៉ុន្តែជីវិតសិចរបស់អ្នកនឹងថយចុះដោយសារតែការទទួលស្ករនេះដូចគ្នា។ ស្ករសិប្បនិម្មិតទាំងអស់មាន សារធាតុ Aspartame ដែលអាចកាត់បន្ថយកម្រិតអ័រម៉ូន serotonin ដែលជាអ័រម៉ូនជួយឲ្យអារម្មណ៍រីករាយ។ ដូច្នេះប្រសិនបើអ្នកមានបំណងចង់ផ្គាប់ចិត្តដៃគូរបស់អ្នកគួរប្រើទឹកឃ្មុំជំនួសស្ករសិប្បនិម្មិតល្អជាង។

៦. អាហារកំប៉ុង

អាហារកំប៉ុងជាអាហារងាយស្រួលចម្អិន និងអាចរកបានគ្រប់ហាងទំនិញ ដែលធ្វើឲ្យមនុស្សគ្រប់គ្នាចូលចិត្តវា។ ប៉ុន្តែអ្នកគួរចាប់ផ្ដើមកាត់បន្ថយវាខ្លះ ព្រោះវាជាហេតុផលដ៏សំខាន់ធ្វើឲ្យជីវិតផ្លូវភេទរបស់អ្នកជួបបញ្ហា។ អាហារកំប៉ុងមានផ្ទុកសារធាតុគីមី bisphenol-A (BPA) ជាតិសូដ្យូម និងមានជាតិប៉ូតាស្យូមតិច។ ចំនួនច្រើននៃជាតិសូដ្យូមមានវត្តមាននៅក្នុងអាហារកំប៉ុងនាំឱ្យមានសម្ពាធឈាមខ្ពស់ ដូច្នេះរារាំងដល់លំហូរឈាមទៅសរីរាង្គភេទ។

៧. សូដា និង ភេសជ្ជៈ

ក្រៅពីអាចបណ្ដាលឲ្យធាត់ ភេសជ្ជៈក៏អាចធ្វើឲ្យមានជំងឺពុកធ្មេញ ធ្វើឲ្យអារម្មណ៍មិនល្អ និងជំងឺផ្សេងៗទៀត។ ភេសជ្ជៈទាំងនេះ មានសារធាតុគីមីម្យ៉ាង ដែលធ្វើឲ្យប៉ះពាល់ដល់សមត្ថភាពផ្លូវភេទរបស់បុរស។

៨. កាហ្វេ

មនុស្សភាគច្រើនតែងតែទទួលទានកាហ្វេ និងត្រូវបានអាស៊ីដជ្រាបចូលទៅក្នុងខ្លួន។ ទោះជាយ៉ាងណាផឹកកាហ្វេក្នុងបរិមាណច្រើនអាចនឹងមានគ្រោះថ្នាក់។ វាបង្កឲ្យមានភាពតានតឹងដែលបណ្ដាលឲ្យអ័រម៉ូន cortisol ចូលទៅក្នុងរាងកាយ។ កាហ្វេអាចរំខានដល់ការងាររបស់ក្រពេញ Adrenal ដូច្នេះបណ្ដាលឱ្យអតុល្យភាពអ័រម៉ូនមានភាពតានតឹង។

៩. គ្រឿងស្រវឹង

ការសេពគ្រឿងស្រវឹងគឺជាមូលហេតុដ៏សំខាន់មួយដែលធ្វើឲ្យមនុស្សរាប់លាននាក់កើតជំងឺហើយវាថែមទាំងមានផលប៉ះពាល់ដល់ជីវិតផ្លូវភេទផងដែរ។ ព្រោះពេលសេពគ្រឿងស្រវឹងអាចបណ្ដាលកាត់បន្ថយផលិតកម្មអ័រម៉ូនសិច។ ស្ត្រីអាចប្រឈមមុខនឹងបញ្ហាឆាប់អស់រដូវ ខណៈដែលបុរសងាយនឹងអស់ចំណង់តែម្ដង៕

ចុចអាន៖ ៣ហេតុផលខ្លីៗ អ្នកគួររួមភេទក្នុងពេលព្រឹកព្រលឹម

ចុចអានអត្ថបទសុខភាពបន្តពូជជាច្រើនទៀត

ប្រែសម្រួល៖ ទ្រី រ៉ាវី

ប្រភព៖ trendsnhealth