ឡាន SUV កម្លាំងខ្លាំងដាច់គេក្នុងលោក តម្លៃចាប់ពី ២៩៥ ០០០ ដុល្លារ

2019-08-13 02:29:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនរថយន្ត Rezvani បានបង្ហាញចេញមុខមាត់ពិត និងលក្ខណៈសម្បត្តិរបស់រថយន្តម៉ូដែល Tank ស៊េរីឆ្នាំ ២០២០ ដែលអាចផ្ដល់កម្លាំងខ្លាំង រហូតដល់ក្រុមហ៊ុនអះអាងថាជារថយន្ត SUV កម្លាំងខ្លាំងជាងគេក្នុងលោក។

រថយន្ត Tank ស៊េរីថ្មី នឹងបង្ហាញមុខមាត់ដល់សាធារណជនជាលើកដំបូងនៅកម្មវិធី Monterey Car Week នាថ្ងៃទី ១៦ ខែសីហា ដោយវាមានចែកចេញជា ៣ ប្រភេទ។ ប្រភេទធូរជាងគេមានតម្លៃ ១៥៥ ០០០ ដុល្លារ ប្រើម៉ាស៊ីនកម្លាំង ២៨៥ សេះ ចំណុះ ៣,៦ លីត្រ ៦ ស៊ីឡាំង ប៉ុន្តែវាក៏មានជម្រើសម៉ាស៊ីន ៥០០ សេះ ចំណុះ ៦,៤ លីត្រ ៨ ស៊ីឡាំង ឬ ម៉ាស៊ីនម៉ាស៊ូត ២៨៥ សេះ ចំណុះ ៣,០ លីត្រផងដែរ។

ពីរប្រភេទទៀតគឺបំពាក់ម៉ាស៊ីន Dodge Demon ចំណុះ ៦,២ លីត្រ ៨ ស៊ីឡាំង ដែលអាចបង្កើតកម្លាំងបានដល់ ១០០០ សេះ ជាមួយតម្លៃចាប់ពី ២៩៥ ០០០ ដុល្លារ សម្រាប់ប្រភេទ Tank Military Edition និងចាប់ពី ៣៤៩ ០០០ ដុល្លារ សម្រាប់ប្រភេទ Tank X។

សម្រាប់ប្រភេទ Tank Military Edition សក្ដិសមជារថយន្តមួយសម្រាប់ថ្ងៃអវសានពិភពលោក ដោយវាមានបំពាក់ដោយកាមេរ៉ាសម្រាប់មើលយប់, អាចការពារគ្រាប់កាំភ្លើង, កង់ដែលអាចបើកទៅមុខទោះបីធ្លាយ, ផ្នែកខាងក្រោមអាចទ្រាំទ្រនឹងការបំផ្ទុះ, ការពារនឹងវិទ្យុសកម្ម, ធុងប្រេងដែលមិនចេះធ្លុះ, បូមសមត្ថភាពខ្លាំង និងមានឧបករណ៍សង្គ្រោះបន្ទាន់ផងដែរ៕

ចុចអាន៖

ប្រភព៖ carscoops ប្រែសម្រួល៖ សុខហេង