ម៉ូតូចម្លែកកម្លាំង ១៨០ សេសេឈ្មោះដូចឡាន FORD Raptor
- 2019-08-20 02:45:11
- ចំនួនមតិ 0 | ចំនួនចែករំលែក 0
ម៉ូតូចម្លែកកម្លាំង ១៨០ សេសេឈ្មោះដូចឡាន FORD Raptor
ចន្លោះមិនឃើញ
ក្រោយពិធីប្រកាសបង្ហាញចេញម៉ូឌែលថ្មីដោយក្រុមហ៊ុន GPX ប្រចាំប្រទេសថៃ គេសង្កេតឃើញថា ឈ្មោះថ្មីដែលក្រុមហ៊ុនបានដាក់នៅលើម៉ូតូថ្មីរបស់ខ្លួននោះគឺ ប្លែកត្រចៀកមែនទែន GPX Raptor។
ម៉ូតូដែលមានរាងដ៏សង្ហានោះ ឌីហ្សាញយ៉ាងពិសេសចេញពីទឹកដៃក្រុម GPX R&D ប្រចាំប្រទេសថៃផ្ទាល់។ Raptor ប្រើប្រាស់ប្រភេទកុងទ័រ ពាក់កណ្ដាលឌីជីថលបែបថ្មី ចង្កៀងបំភ្លឺផ្លូវខាងមុខជាប្រភេទ Full LED កម្លាំងម៉ាស៊ីន ១៨០ សេសេ ប្រើប្រភេទម៉ាស៊ីនស៊ីឡាំង ១ SOHC ប្រើប្រព័ន្ធប៊ិចសាំង GPX-FI ផលិតយ៉ាងពិសេសដោយអ្នកជំនាញ Delphi។
Raptor បំពាក់ដោយប្រព័ន្ធបូមថ្មី ផលិតដោយក្រុម YSS ធុងសាំង ១១,៥ លីត្រ ប្រើប្រព័ន្ធហ្វ្រាំងថាសមុខ-ក្រោយ មាន ABS ទំហំរង្វង់កង់មុខ ១០០/៨០-១៧ កង់ក្រោយ ១៣០ / ៨០-១៧ សង់ទីម៉ែត្រ ចង្កឹះលេខ ៦ វគ្គ។
សម្រាប់តម្លៃ ត្រូវបានប្រភពពីសារព័ត៌មានប្រទេសថៃបានលើកឡើងថា ខ្ទង់ប្រមាណជា ៥៩៥០០ បាត(១៩៣០ ដុល្លារ)។ រីឯពណ៌ម៉ូតូវិញ គឺចម្រុះភ្នែកមានដល់ទៅ ៤ ឯណោះ(ស, ខ្មៅ, ក្រហម និងពណ៍ស្វាយ)។
តាមការបញ្ជាក់ពីខាងតំណាងចែកចាយ GPX Cambodia បានបង្ហើបថា ម៉ូតូទាំងប៉ុន្មានម៉ូឌែលថ្មីនោះ នឹងបង្ហាញមុខនៅទឹកដីកម្ពុជាឆាប់ៗខាងមុខនេះ៕
អត្ថបទទាក់ទង៖