អនាគតទៅអាជ្ញាកណ្ដាលខ្សែបន្ទាត់ត្រូវអស់ការងារ ដោយសារបច្ចេកវិទ្យា

2019-08-27 06:48:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីដាក់ឲ្យប្រើប្រាស់នូវបច្ចេកវិទ្យា VAR ទៅក្នុងវិស័យកីឡាបាល់ទាត់នៅតំបន់អឺរ៉ុប សហព័ន្ធបាល់ទាត់ពិភពលោក FIFA បច្ចុប្បន្នក៏កំពុងដុតដៃដុតជើងស្រាវជ្រាវបន្ថែមជុំវិញការគ្រោងដាក់ឲ្យប្រើប្រាស់បច្ចេកវិទ្យាថ្មីមួយផ្សេងទៀត។

យោងតាមសារព័ត៌មាន The Mirror របស់អង់គ្លេសបានចុះផ្សាយថាក្រុមអ្នកស្រាវជ្រាវអន្តរជាតិ កំពុងស្វែងរកនូវប្រព័ន្ធបច្ចេកវិទ្យាដែលអាចជំនួសតំណែងរបស់អាជ្ញាកណ្ដាលខ្សែបន្ទាត់នៅលើទីលានប្រកួតបាល់ទាត់នៅថ្ងៃមុខ។

ប្រសិនការរុករកនេះទទួលបានជោគជ័យ នោះមានន័យថាលើទីលានប្រកួតនឹងកាត់បន្ថយពីអាជ្ញាកណ្ដាលចំនួន ៣ រូបមកសល់ត្រឹម ១ រូបប៉ុណ្ណោះ។ តាមអ្នកនាំពាក្យបានប្រាប់ The Mirror ថា៖ "FIFA បានបង្កើតក្រុមស្រាវជ្រាវមួយដើម្បីស្រាវជ្រាវលើបច្ចេកវិទ្យានេះ ដែលអាចនឹងជំនួសតំណែងជំនួយការអាជ្ញាកណ្ដាលតាមរយៈការប្រើប្រាស់ប្រព័ន្ធកាមេរ៉ានិងកុំព្យូទ័រ ហើយវានឹងអាចកើតឡើងទៅបាននៅថ្ងៃណាមួយ"។

បញ្ជាក់ថាប្រព័ន្ធ VAR ឬ Video Assistant Referre បានដាក់ឲ្យប្រើប្រាស់ជាផ្លូវការនៅព្រឹត្តិការណ៍ World Cup ឆ្នាំ ២០១៨ ក្នុងប្រទេសរុស្ស៊ី ហើយបានជ្រាបចូលលីគកំពូលនៅតំបន់អឺរ៉ុបនិងប្រទេសនៅអាស៊ីមួយចំនួនថែមទៀតផងក្នុងពេលបច្ចុប្បន្ន៕

អានអត្ថបទ:

ប្រភព៖ MSN ប្រែសម្រួល៖ កៅ រក្សា