មានការសង្ស័យថាលោក Steve Jobs នៅមានជីវិត កំពុងរស់នៅអេហ្សីប

2019-08-27 09:09:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងគួរឲ្យភ្ញាក់ផ្អើលបានលេចឡើង ក្រោយពេលបុរសម្នាក់ឈ្មោះ Ahmed Basyouney បានបង្ហោះរូបបុរសវ័យចំណាស់ម្នាក់ ដែលមានមុខដូចនឹងលោក Steve Jobs ស្ទើរតែ ១០០%។

យោងតាមដំណឹងពី iDropnews បានប្រាប់ថា បុរសម្នាក់នោះមិនត្រឹមតែមានមុខដូច Steve Jobs ប៉ុណ្ណោះទេ សូម្បីតែដំណើរក៏ដូចគ្នាដែរ។

ទោះជាបានប្រកាសថាស្លាប់តាំងពីឆ្នាំ ២០១១ ក៏ពិតមែន ប៉ុន្តែមានមនុស្សជាច្រើននៅតែគិតថាលោក Steve Jobs នៅមានជីវិត ហើយរស់នៅលាក់លៀម។ អ្នកប្រើ Reddit ជាច្រើនបានសង្កេតមើលរូបនេះ ហើយភាគច្រើនគិតថាជាលោក Steve Jobs ពិតប្រាកដមែន ព្រោះមិនថាការអង្គុយឬការយកដៃមកដាក់ក្បែរមាត់ក៏ដូចគ្នា។ ហើយគេគិតថាការស្លាប់នោះជា ការសម្តែងរបស់លោក ដើម្បីចង់លាក់ខ្លួន។

រូបភាពកាលពីឆ្នាំ ២០១៤

ការសង្ស័យនេះមិនមែនជា រឿងអ្វីថ្មីឡើយ ពីព្រោះកាលពីឆ្នាំ ២០១៤ នៅប្រេស៊ីល មានបុរសម្នាក់ទៀត ថតរូបជាប់មនុស្សម្នាក់ទៀតមុខដូចលោក Steve Jobs បេះបិទ។ គួរបញ្ជាក់ បិតា iPhone ម្នាក់នេះ បានប្រកាសថាស្លាប់នៅឆ្នាំ ២០១១ នៅអាយុ ៥៦ ឆ្នាំ ដោយជម្ងឺមហារីក៕