បង្ហាញមុខហើយ ស្មាតហ្វូកាមេរ៉ាទំហំ 64MP ដំបូងគេក្នុងលោក
- 2019-08-28 07:09:31
- ចំនួនមតិ 0 | ចំនួនចែករំលែក 0
បង្ហាញមុខហើយ ស្មាតហ្វូកាមេរ៉ាទំហំ 64MP ដំបូងគេក្នុងលោក
ចន្លោះមិនឃើញ
ម៉ាកទូរសព្ទ Realme បានបញ្ចេញជាផ្លូវការនូវស្មាតហ្វូនម៉ូដែល Realme XT ដែលជាស្មាតហ្វូនដំបូងគេមានកាមេរ៉ាកម្រិត ៦៤ MP។
ចំណុចលេចធ្លោរបស់ XT គឺនៅត្រង់កាមេរ៉ានេះផ្ទាល់តែម្ដង ដោយកាមេរ៉ាមេ ៦៤ MP មានអមដោយកាមេរ៉ាចំនួន ៣ គ្រាប់ផ្សេងទៀត។ កាមេរ៉ា ៣ ទៀតមានប្រភេទ Ultra-Wide កម្រិត ៨ MP, កាមេរ៉ាវាស់ជម្រៅកម្រិត ២ MP និងកាមេរ៉ាម៉ាក្រូកម្រិត ២ MP។
លក្ខណៈសម្បត្តិផ្សេងទៀតគឺដូចគ្នានឹង Realme 5 Pro ដែលទើបប្រកាសចេញដែរ។ វាមានប្រើបន្ទះឈីប Snapdragon 712, RAM មានជម្រើសទំហំ ៤/៦/៨ GB, អង្គផ្ទុក ៦៤ GB ទៅ ១២៨ GB អាចបន្ថែមទំហំបាន, ថ្មទំហំ ៤០០០ mAh សាកថ្មល្បឿន ២០ វ៉ាត់ និងកាមេរ៉ា Selfie កម្រិត ១៦ MP។
Realme XT មានអេក្រង់ Super AMOLED កម្រិត ៦,៤ អ៊ីញ អាចបង្ហាញរូបក្នុងកម្រិត FHD+ និងមានទ្រនាប់ស្កេនម្រាមដៃក្រោមអេក្រង់។ មុខងារផ្សេងៗទៀតមានដូចជារន្ធកាស 3.5 mm, ដំណើរការដោយ ColorOS 6.0.1 នៅពីលើ Android Pie, ដាក់ស៊ីមបានពីរ និងប្រព័ន្ធ Bluetooth 5.0។
ស្មាតហ្វូននេះនឹងចេញលក់ចាប់ពីពាក់កណ្ដាលខែកញ្ញា ប៉ុន្តែក្រុមហ៊ុនមិនបានប្រាប់តម្លៃនៅឡើយទេ។ ទោះយ៉ាងណាគេជឿជាក់ថាវានឹងមានតម្លៃធូរ ដោយសារស្មាតហ្វូន Realme សុទ្ធតែមានតម្លៃធូរ។
ការប្រកាសចេញ Realme XT គឺមុនមួយថ្ងៃនៃការប្រកាសចេញ Xiaomi Redmi Note 8 ដែលរំពឹងថានឹងប្រើកាមេរ៉ាកម្រិត ៦៤ MP នៅផ្នែកខាងក្រោយដូចគ្នា៕
ចុចអាន ៖ vivo NEX 3 នឹងមានកម្លាំងសាកថ្មរហូតដល់ ១២០ វ៉ាត់