មិនទាន់អីផង! នៅចិនមានលក់ស្រោមទូរសព្ទ iPhone 11 ព្រោងព្រាត
- 2019-09-02 01:40:25
- ចំនួនមតិ 0 | ចំនួនចែករំលែក 0
មិនទាន់អីផង! នៅចិនមានលក់ស្រោមទូរសព្ទ iPhone 11 ព្រោងព្រាត
ចន្លោះមិនឃើញ
ការប្រកាស iPhone ជំនាន់ថ្មី ដែលជឿជាក់ជា 'iPhone 11' នឹងឈានចូលមកដល់នៅថ្ងៃទី ១០ កញ្ញា។ ត្បិតការប្រកាសផ្លូវការចេញពីក្រុមហ៊ុន Apple មិនទាន់ធ្វើឡើងក្តី ប៉ុន្តែទៅមើលក្រុមហ៊ុនផលិត Case ទូរសព្ទមួយចំនួនក្នុងទីផ្សារចិន បានកកូរកកាយដាក់លក់ Case ត្រៀមស្វាគមន៍ iPhone ២០១៩ រួចទៅហើយ។
តាមមើលហាក់បែកធ្លាយព័ត៌មានចេញពីប្រភពនៃរោងចក្រឬដៃគូផ្គត់ផ្គង់ណាមួយអ៊ីចឹង ដោយត្រង់ផ្នែកកាមេរ៉ាដែលប្រើប្រាស់ទម្រង់ជារាងការេ វិវត្តន៍ឡើង ៣ គ្រាប់ ធៀបនឹងកាមេរ៉ាបញ្ឈរពីរគ្រាប់មានលើ iPhone XS Max។
ចំណុចខ្លាំងរបស់កាមេរ៉ា ៣ គ្រាប់តាមការរំពឹងទុក គឺមានផ្តល់ជូននូវ Sensor ប្រភេទ Ultra-wide-angle ជំនាន់ថ្មី អនុញ្ញាតឲ្យអតិថិជនអាចថតរូបភាពទូលាយបានមិនចាញ់គូប្រជែងដទៃ។
ជាងនេះប្រព័ន្ធទំនើបរបស់វានឹងផ្តិតយករូបភាពបីសន្លឹកក្នុងពេលតែមួយ ហើយប្រើប្រាស់ AI ផលិតចេញរូបភាពដ៏ត្រឹមត្រូវមួយ។ មួយផ្សេងទៀតអ្នកក៏អាច Reframe រូបភាពនៅពេលថតហើយ ជាមួយនឹងការពង្រឹងកាន់តែប្រសើរសម្រាប់ការថតនៅទីតាំងខ្សោយពន្លឺឬពេលរាត្រី។
ចំណុចរសើបផ្សេងទៀតសន្និដ្ឋានចេញពីទម្រង់រចនារបស់ Case ដែលកំពុងដាក់លក់ បង្ហើបពីទីតាំងស្លាកសញ្ញា (Logo) រូបផ្លែប៉ោមដែលទម្លាក់មកក្រោមផ្នែកកណ្តាល មិនសូវកៀកទីតាំងកាមេរ៉ាពេក ដូចជំនាន់មុនឡើយ។ ចម្លើយច្បាស់ការយើងនឹងបានដឹងទាំងអស់គ្នានៅថ្ងៃទី ១០ កញ្ញា ខាងមុខ៕
អានអត្ថបទ: