យក Instagram ធ្វើជាឆ្នាំងបាយ មួយឆ្នាំរកលុយបាន ៦៤ ០០០ ដុល្លារ
- 2019-09-05 03:46:00
- ចំនួនមតិ 0 | ចំនួនចែករំលែក 0
យក Instagram ធ្វើជាឆ្នាំងបាយ មួយឆ្នាំរកលុយបាន ៦៤ ០០០ ដុល្លារ
ចន្លោះមិនឃើញ
Alexa Dellanos គឺជាបុគ្គលល្បីមួយរូបនៅលើ Instagram ដែលមានអ្នក Follower ជាង ១ លាននាក់។ លើគណនីរបស់នារីវ័យ ២៣ ឆ្នាំរូបនេះ ភាគច្រើនមានបង្ហោះរូបបង្ហាញរាងសិចស៊ីរបស់ខ្លួន បែបសប្បាយៗ ដែលធ្វើដូចនេះជួយឲ្យនាងរកចំណូលបានជាង ៦៤ ០០០ ដុល្លារក្នុងមួយឆ្នាំ។
នារីដែលរស់នៅរដ្ឋ Florida សហរដ្ឋអាមេរិក រូបនេះនិយាយថា ខ្លួនអាចរកចំណូលពី Instagram បានច្រើនជាង ៣ ដង នៃប្រាក់ខែដែលទទួលបានពេលធ្វើជាអ្នកកាសែត។ នាងបញ្ជាក់ថាការជួលឲ្យផ្សាយពាណិជ្ជកម្មលើ IG ម្ដងៗ អាចទទួលបានកម្រៃប្រហែល ៦ ០០០ ដុល្លារ។ ក្នុងរូបភាពនាងមិនបានបង្ហាញអំពីម៉ាក ឬ ផលិតផលនោះទេ ប៉ុន្តែគ្រាន់តែ Tag និងដាក់ទីតាំង តាមការតម្រូវរបស់អតិថិជនតែប៉ុណ្ណោះ។
ជាក់ស្ដែងក្នុងរូបភាពថ្មីៗនេះ Alexa ឈរកាច់រាងនៅមុខរថយន្ត នៅខាងក្រៅហាងអាហារមួយកន្លែង។ នាងគ្រាន់តែធ្វើការ Check In នៅហាងនោះ ដោយមិនបាច់បង្ហាញអាហារ ឬទីធ្លារបស់ហាង ក៏ទទួលបានលុយស្រួលៗដែរ។
សារព័ត៌មាន The Sun បានឲ្យដឹងថា Alexa បានចំណាយលុយជាង ១៧ ០០០ ដុល្លារក្នុងការវះកាត់កែសម្ផស្ស ដែលធ្វើដូចនេះនាងជឿជាក់ថានឹងជួយឲ្យមាន Follower រឹតតែច្រើន៕
ចុចអាន ៖ Facebook ប្រើហ្គេមរកលុយពីក្មេងៗ ទាំងគ្មានការអនុញ្ញាតពីអាណាព្យាបាល
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
