ទាំងអ្នកបើកបរ និងអ្នកជិះនឹងចំណេញហើយក្រោយ TADA ប្រើប្រព័ន្ធពិន្ទុ MVLដ៏ទំនើបថ្មីនេះ

2019-09-05 07:41:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ៥ ខែកញ្ញានេះ ក្រុមហ៊ុន MVL Foundation បានដាក់បញ្ចូល កម្មវិធី Mobility Blockchain MVL ទៅក្នុងកម្មវិធីកក់ការធ្វើដំណើរតាម App របស់ខ្លួន ដែលមានឈ្មោះថា TADA ដើម្បីលើកទឹកចិត្តដល់អ្នកប្រើប្រាស់ទាំងអ្នកជិះ និងអ្នកបើក។

កម្មវិធី Mobility Blockchain MVL ជាកម្មវិធីមួយ ដែលមានគោលបំណងបង្កើតប្រព័ន្ធអេកូនៃចល័តភាព ប្រកបដោយតម្លាភាព និងធានាសុវត្ថិភាពទិន្នន័យបំផុត ដោយផ្អែកលើបច្ចេកវិទ្យា blockchain (បណ្តុំទិន្នន័យតភ្ជាប់គ្នាជាខ្សែសង្វាក់ធានាសុវត្ថិភាព)។

លើសពីនេះទៅទៀតនោះ ក្រុមហ៊ុន MVL Foundation ក៏ទើបតែដំឡើងប្រព័ន្ធបច្ចេកវិទ្យានេះឲ្យប្រើប្រាស់ជាស្ថាបពរ នៅសិង្ហបុរី និងវៀតណាមផងដែរ។ នៅក្នុងប្រព័ន្ធអេកូរបស់ MVL ទិន្នន័យទាំងអស់ត្រូវបានគ្រប់គ្រងប្រកបដោយតម្លាភាព រួមទាំងផ្ដល់ជូនការលើកទឹកចិត្តថ្មីមួយដល់អ្នកប្រើប្រាស់ដែលបានរួមចំណែកក្នុងប្រព័ន្ធអេកូរបស់ MVL។

ចំពោះអ្នកប្រើប្រាស់កម្មវិធី TADA ស្រាប់ នឹងទទួលបានពិន្ទុ MVL អាស្រ័យលើចម្ងាយនៃការធ្វើដំណើរ និងការវាយតម្លៃរាល់ពេលប្រើប្រាស់កម្មវិធី TADA ហៅតាក់ស៊ី ឬ ម៉ូតូកង់បី ដោយមិនចាំបាច់ចូលទៅក្នុង MVL ឡើយ។ កម្រិតពិន្ទុ MVL ត្រូវបានកំណត់ដោយពិន្ទុ MVL ដែលអ្នកប្រើប្រាស់ទទួលបានដើម្បីទទួលបានអត្ថប្រយោជន៍ផ្សេងៗពីគ្នា។

នេះជាកម្មកត់ត្រាពិន្ទុ MVL

អ្នកដំណើររបស់ TADA នឹងទទួលបានពិន្ទុ MVL ដោយស្វ័យប្រវត្តិរាល់ការជិះលើសេវាកម្មរបស់ TADA និងពិន្ទុ MVL បន្ថែមសម្រាប់ការវាយតម្លៃអ្នកបើកបរ។

រីឯអ្នកបើកបរ TADA វិញអាចទទួលបានពិន្ទុ MVL ដោយស្វ័យប្រវត្តិ ដោយគ្រាន់តែដឹកអ្នកដំណើររបស់ TADA នឹងទទួលបានពិន្ទុបន្ថែម សម្រាប់ការទទួលយកការកក់ការធ្វើដំណើរនៅក្នុងតំបន់ជាក់លាក់មួយចំនួន។

ប្រព័ន្ធលើកទឹកចិត្តនេះបានទទួលភាពជោគជ័យដោយអ្នកប្រើប្រាស់ប្រមាណមួយភាគបួនបានចូលរួមយ៉ាងសកម្មក្នុងកម្មវិធីរង្វាន់លើកទឹកចិត្ត MVL នេះនៅប្រទេសសិង្ហបុរី និងវៀតណាម។ ឥទ្បូវនេះ អ្នកប្រើប្រាស់កម្មវិធី TADA នៅកម្ពុជាក៏នឹងអាចប្រើប្រាស់ប្រព័ន្ធលើកទឹកចិត្តនេះដែរ ដើម្បីជួយលើកស្ទួយប្រព័ន្ធអេកូ MVL។

ដើម្បីដឹងពីប្រូម៉ូសិនថ្មីៗរបស់ TADA សូមតាមដានហ្វេសប៊ុកផេក TADA Cambodia៕

អត្ថបទ៖ លីដា

ពាក្យទាក់ទង