រឿងអប់រំ! Honda និយាយ១មាត់ ដាស់តឿនក្មេងជំនាន់ក្រោយ

2019-09-11 02:44:06
ចំនួនមតិ 0 | ចំនួនចែករំលែក 0

ចន្លោះមិនឃើញ

Keisuke Honda កំពុងទទួលបានប្រជាប្រិយភាពខ្លាំង ក្រោយពីដឹកនាំក្រុមជម្រើសជាតិបានយ៉ាងល្អក្នុងដំណើរជម្រុះ World Cup 2022 នេះ។

បើទោះជាឆ្លងកាត់២ប្រកួត មិនទាន់ជោគជ័យ ប៉ុន្តែអ្នកគាំទ្រពេញចិត្តជាមួយទម្រង់លេងក្រុមទាំងមូលខ្លាំង ព្រោះហានលេង និងមានក្បួនខ្នាតត្រឹមត្រូវ។ ក្រោយចប់ការប្រកួតនោះ Honda ថែមទាំងប្រាប់ឱ្យកីឡាករមានជំហររឹងមាំ មិនត្រូវអន់ចិត្ត ឬសោកស្ដាយដែលលេងមិនឈ្នះគេនោះទេ។ ក្រុមទាំងមូលត្រូវមានមោទនភាពលើខ្លួនឯង ទើបអាចអភិវឌ្ឍសមត្ថភាពទៅមុខទៀតបាន។

ក្រៅពីប្រាប់ទៅកីឡាករសម្ដីខាងលើហើយ អតីតកីឡាករជម្រើសជាតិជប៉ុនរូបនេះ មាន១ឃ្លា ដើម្បីដាស់តឿនយុវជនផងដែរ។ បង្ហោះនៅលើបណ្ដាញសង្គមរបស់លោក Honda បាននិយាយថា៖ “បើចង់ផ្លាស់ប្ដូរអ្វីមួយ ត្រូវចាប់ផ្ដើមពីខ្លួនឯងសិន។ រឿងមួយដែលអ្នកអាចផ្លាស់ប្ដូរបាន គឺខ្លួនរបស់អ្នក។ គ្រប់យ៉ាងត្រូវចាប់ផ្ដើមពីខ្លួនឯង”៕

អត្ថបទ៖ ប្រុស យុទ្ធ