Conte គ្រូបង្វឹកមានប្រាក់ឈ្នួលខ្ពស់បំផុតមិនធ្លាប់មានក្នុងប្រវត្តិសាស្ត្រ Serie A
- 2019-09-14 00:02:00
- ចំនួនមតិ 0 | ចំនួនចែករំលែក 0
Conte គ្រូបង្វឹកមានប្រាក់ឈ្នួលខ្ពស់បំផុតមិនធ្លាប់មានក្នុងប្រវត្តិសាស្ត្រ Serie A
ចន្លោះមិនឃើញ
Antonio Conte បានក្លាយជាអ្នកចាត់ការទូទៅដែលទទួលបានប្រាក់ខែខ្ពស់បំផុតនៅ Serie A នៅពេលដែលលោកចូលមកកាន់ការងារនៅ Inter Milan កាលពីរដូវក្តៅកន្លងទៅ។
យោងតាមសារព័ត៌មានអ៊ីតាលី La Gazzetta dello Sport អតីតគ្រូបង្វឹក Chelsea ទទួលបានប្រាក់ឈ្នួលប្រចាំឆ្នាំ ១២,១៨ លានដុល្លារ ឬ ប្រមាណ១លានដុល្លារក្នុង១ខែ។
ប្រាក់ខែរបស់គ្រូបង្វឹកសញ្ជាតិអ៊ីតាលីរូបនេះលើស Maurizio Sarri ២ដង (៦ លានដុល្លារក្នុង១ឆ្នាំ) លើសប្រាក់ខែគ្រូបង្វឹក Napoli លោក Carlo Ancelotti ដែលមានប្រាក់បៀវត្សរ៍ ៥,៥ លានដុល្លារក្នុង១ឆ្នាំ ឬ ប្រាក់បៀវត្សរ៍ប្រចាំឆ្នាំលើសគ្រូបង្វឹក AS Roma លោក Paulo Fonseca ដល់ទៅជិត៤ដង (៣,៣ លានដុល្លារ)។
Conte ត្រូវបានបណ្តេញចេញពីក្លឹបតោខៀវ Chelsea កាលពីខែកក្កដាឆ្នាំមុនបន្ទាប់ពីបានដឹកនាំក្រុមឈ្នះជើងឯក Premier League ក្នុងរដូវកាលដំបូងរបស់លោក ហើយនិងឈ្នះពានរង្វាន់ FA Cup នៅរដូវកាលបន្ទាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
