អ្នក​ចាំ​ទី​របស់​ក្លឹប Manchester United កីឡាករ David de Gea បាន​ពង្រីក​កុងត្រា​ថ្មី​បន្ត​​នៅ​ជាមួយ​ក្លឹប​ដល់​ឆ្នាំ​២០២៣។

De Gea វ័យ​២៨​ឆ្នាំ​​បាន​បង្ហាញ​ខ្លួន​ឲ្យ United ៣៦៧​ប្រកួត ចាប់​តាំង​ពី​លោក Sir Alex Ferguson ទិញ​គេ​ពី​ក្លឹប Atletico Madrid ក្នុង​តម្លៃ​១៨,៩​លាន​ផោន​កាល​ពី​ខែ មិថុនា ឆ្នាំ ២០១១។ "ពេល​នេះ​អនាគត​របស់​ខ្ញុំ​បាន​សម្រេច​រួចរាល់។ ​អ្វី​ដែល​ខ្ញុំ​ចង់​បាន​គឺ​ជួយ​ក្រុម​នេះ​អោយ​សម្រេច​នូវ​អ្វី​ដែល​ខ្ញុំ​ជឿជាក់​ថា​យើង​អាច​នឹង​ឈ្នះ​ពាន​រង្វាន់​ម្ដង​ទៀត" ការ​លើក​ឡើង​របស់​អ្នក​ចាំ​ទី​អេស្ប៉ាញ។

De Gea ដែល​ធ្លាប់​បង្ហាញ​ខ្លួន​ឲ្យ​ជម្រើស​ជាតិ​អេស្ប៉ាញ​បាន​៤០​ប្រកួត ធ្លាប់​ជួយ United​ ឈ្នះ Premier League រដូវ​កាល​២០១២-១៣ FA Cup League Cup និង Europa League។ ចំពោះ​កុងត្រា​ថ្មី​នេះ De Gea ទទួល​បាន​ថ្លៃ​នឿយហត់​៣៧,៥​ម៉ឺន​ផោន​ក្នុង​មួយ​សប្ដាហ៍ ក្លាយ​ជា​កីឡាករ​មាន​ប្រាក់បៀវត្សរ៍​ច្រើន​ជាង​គេ​ បន្ទាប់​ពី Alexis Sanchez៕ ​​

ប្រភព៖ BBC   ប្រែ​សម្រួល៖ ហេង សុធារិទ្ធិ