បើករដូវកាលមិនទាន់ស្រួលបួលផង អ្នកគាំទ្រ Arsenal មួយចំនួនចង់ដេញ Emery ចោល

2019-09-17 03:02:20
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រក្លឹប Arsenal មួយចំនួនហាក់មិនសប្បាយចិត្តចង់ឲ្យក្លឹបបណ្ដេញលោក Unai Emery ចោល បន្ទាប់ពីដឹកនាំក្រុមមិនបានល្អកាលប៉ះជាមួយ Watford នៅចុងសប្ដាហ៍កន្លងទៅ។

Arsenal រកបានពីរគ្រាប់មុនក្នុងកីឡដ្ឋាន Vicarage Road ប៉ុន្តែឈានដល់វគ្គទីពីរបែរជាធ្លាក់ទម្រង់ធ្វើឲ្យម្ចាស់ផ្ទះ Watford តាមស្មើវិញ ២-២។ ក្នុងការប្រកួតនេះ Watford មានឱកាសទាត់សំដៅទីបានដល់៣១ដងឯណោះ។ ចំពោះទម្រង់លេងបែបនេះបានបញ្ឆេះចិត្តអ្នកគាំទ្រមិនរីករាយជាមួយលោក Emery ឡើយ។

ថ្មីៗនេះមានមតិលើកឡើងពីសំណាក់អ្នកគាំទ្រកាំភ្លើងធំលើបណ្ដាញសង្គម Twitter ចង់បណ្ដេញ Emery ចេញពីក្លឹប។ អ្នកគាំទ្រម្នាក់សរសេរថា៖ "តើពួកយើងបានបណ្ដេញ Emery ចោលនៅ" ខណៈម្នាក់ទៀតថា៖ "Emery គួរតែបណ្ដេញចេញ"។

បន្ទាបពីប្រកួតស្មើគ្នាជាមួយ Watford ក្លឹប Arsenal ធ្លាក់ដល់លេខ៧ នៅក្រោមក្រុមធំៗទាំងអស់ដូចជា Liverpool, Man City, Spurs, Man Utd, Leicester និង Chelsea៕

ប្រភព៖ The Sun ប្រែសម្រួល៖ ហេង សុធារិទ្ធិ