​រថយន្ត​ស្ព័រ​ម៉ូឌែល Mustang របស់​ក្រុមហ៊ុន Ford ​ផលិត​ក្នុង​ឆ្នាំ ១៩៦៤ ត្រូវ​បាន​គេ​ចាប់​អារម្មណ៍​ជាង​គេ​ក្នុង​កម្មវិធី​អបអរ​ការផលិត​រថយន្ត 10,000,000 Mustangs ​(១០លានគ្រឿង) របស់​ក្រុមហ៊ុន Ford ​នា​ឆ្នាំ ២០១៨ កន្លង​ទៅ​ ​ដែល​បាន​ប្រមែប្រមូល​រថយន្ត​គ្រប់​ជំនាន់​ទាំង​អស់​របស់ Mustang។

​រថយន្ត​នោះ​មាន​ម្ចាស់​ដំបូង​ជា​ស្រី​ឈ្មោះ​ថា ​Gail Wise ត្រូវ​បាន​រក​ឃើញ​ ​នៅ​ស្អាត​ភ្លឹង​ដែល​មាន​តម្លៃ​លក់​ចេញ​ពេល​ឥឡូវ​នេះចន្លោះពី​ **៣៥០ ០០០ ទៅ ៤៥០ ០០០ ដុល្លារ​អាមេរិក។** ​លោក​ស្រី​បាន​និយាយ​ប្រាប់​សារព័ត៌មាន​ថា​ ​អ្នក​ស្រី​និង​ស្វាមី​បាន​ទិញ​យក​រថយន្ត​នេះ​ពី Showroom ​អំឡុង​ខែ​មេសា ឆ្នាំ ១៩៦៤ ​គ្រា​ដែល​ផលិត​ផលនេះ​ ផលិត​តែ​ចំនូន​កំណត់​ប៉ុណ្ណោះ។

​លោក​ស្រី​បន្ថែម​ទៀត​ថា ​"ខ្ញុំ​មិន​ដឹង​ថា​មាន​អ្វី​ពិសេស​នោះ​ទេ ​ចេះ​តែ​ថែ​ទាំ​ទុក​ទៅ​ ​ទាំង​វិក្កយបត្រ​ពេល​ទិញ​ដំបូង​ ​ក៏​នៅ​នឹង​ខ្ញុំ​ដែរ។” ​រថយន្តនេះបើកបាន ៦៨ ០០០ ម៉ាយ ឬប្រមាណជា ១០៩៤៣៥.៣៩ គីឡូម៉ែត្រ៕

ប្រភព៖ Freep   ប្រែ​សម្រួល៖ រក្សា