មិត្ត Zidane សរសើរទីលានអង្គការផ្កាយសមុទ្រ តាមស្ដង់ដារអន្តរជាតិ

2019-09-28 05:29:24
ចំនួនមតិ 0 | ចំនួនចែករំលែក 0

ចន្លោះមិនឃើញ

Steve McManaman អតីតមិត្តរួមក្រុម Zidane នៅក្លឹប Real Madrid បានមកទស្សនកិច្ចនៅកម្ពុជារយៈពេល២ថ្ងៃ ដោយបានចុះផ្ទាល់ដល់ទីលានរបស់អង្គការផ្កាយសមុទ្រ។

McManaman គ្រាន់តែឈានជើងចុះពីឡានភ្លាម ឃើញទីលានក៏ស្រស់ស្អាតរបស់អង្កការផ្កាយសមុទ្រ និងក្មេងៗកំពុងរង់ចាំនោះ ក៏និយាយសរសើរដល់ការរៀបចំភ្លាមតែម្ដង។ អតីតកីឡាករ Liverpool , Real Madrid ថាទីលានរបស់អង្គការនេះ គឺមានប្រព័ន្ធបង្ហូរទឹក និងស្មៅល្អ តាមស្តង់ដាររបស់ FIFA ដាក់ឱ្យ។

កញ្ញា ជួប វិច្ឆិកា ប្រធានអង្គការផ្កាយសមុទ្របានបញ្ជាក់ថាវត្តមានរបស់លោកMcManaman គឺមកតាមរយៈ FIFA ដែលជាដៃគូសហការរបស់អង្គការផ្កាយសមុទ្រផ្ទាល់តែម្ដង។ លោកមកទីនេះ ដើម្បីពិនិត្យមើលការរៀបចំរបស់អង្គការ ក៏ដូចជាលើកទឹកចិត្តដល់ក្មេងៗផ្ទាល់តែម្ដង។ កញ្ញា បានបញ្ជាក់បន្ថែមដែរថា លោកMcManaman តំណាង FIFA នេះ គឺសរសើរទីលានរបស់អង្គការនេះណាស់ ថាស្អាត និងមានស្ដង់ដា។

អង្គការផ្កាយសមុទ្រ មានកីឡាករ កីឡាការិនី សរុបជាច្រើនពាក់នាក់ នៅទូទាំងប្រទេសកម្ពុជា បូករួមទាំងយុវជនគថ្លង់ យុវជនខ្សោយប្រាជ្ញា និងយុវជនផ្សេងៗទៀត។ អង្គការនេះទទួលស្គាល់និងជំនួយផ្ទាល់ពីខាងសហព័ន្ធបាល់ទាត់អន្តរជាតិ FIFA អស់ពេលជាច្រើនឆ្នាំមកហើយ។ ពួកគេតែងតែមានការប្រកួតបាល់ទាត់កម្រិតយុវជន និងពានរង្វាន់ជាច្រើនទៀត ដើម្បីឱ្យក្មេងៗ មានឱកាសចូលរួមប្រកួតបង្កើតមិត្តភាព និងការជាលេងកីឡាទាំងអស់គ្នា៕

រូបភាព៖ FFC

អត្ថបទ៖ ប្រុស យុទ្ធ