iPhone 11 តម្លៃចាប់ពី ៩២០ ដុល្លារ ត្រូវប៉ាន់ខ្លាំងនៅឥណ្ឌា
- 2019-10-01 04:06:27
- ចំនួនមតិ 0 | ចំនួនចែករំលែក 0
iPhone 11 តម្លៃចាប់ពី ៩២០ ដុល្លារ ត្រូវប៉ាន់ខ្លាំងនៅឥណ្ឌា
ចន្លោះមិនឃើញ
ត្រកូល iPhone 11 របស់ Apple ទទួលបានការគាំទ្រខ្លាំងគួរសម។ នេះបើតាមការលើកឡើងរបស់អ្នកវិភាគ Tarun Pathak មកពីក្រុមហ៊ុនស្រាវជ្រាវទីផ្សារ Counterpoint Research។
iPhone ស៊េរីថ្មីបានដាក់លក់នៅប្រទេសឥណ្ឌាកាលពីថ្ងៃសុក្រសប្ដាហ៍កន្លងទៅ ដោយមានអតិថិជនជាច្រើនតម្រង់ជួរនៅពីមុខហាងលក់រាយនៅជុំវិញប្រទេសឥណ្ឌា ដើម្បីទទួលយក និងទិញ iPhone ថ្មីរបស់ខ្លួន។
ដូចជាការរំពឹងទុក iPhone 11 ជាម៉ូដែលដែលពេញនិយមជាងគេ ក្នុងចំណោមម៉ូដែលទាំងបី។ iPhone 11 លក់នៅឥណ្ឌាមានតម្លៃចាប់ពីប្រមាណ ៩២០ ដុល្លារ ដែលធូរថ្លៃជាង iPhone XR កាលពីឆ្នាំមុនប្រមាណ ១៧០ ដុល្លារ។
ជាមួយនឹងរដូវកាលនៃពិធីបុណ្យ Diwali ឈានចូលមកដល់ គេរំពឹងថា iPhone 11 ទំនងនឹងបង្កើតកំណត់ត្រាលក់ថ្មី ហើយវានឹងជួយ Apple ពង្រីកទីផ្សារស្មាតហ្វូនតម្លៃថ្លៃនៅឥណ្ឌា ប្រចាំត្រីមាសទី ៤ ឆ្នាំ ២០១៩ ទៀតផង៕
ចុចអាន ៖ តោះ! មើលតម្លៃ iPhone X កំពុងលក់តាមហាងពេលភ្ជុំបិណ្ឌរួច