មុខងារថ្មីលើទូរសព្ទ Pixel អាចហៅឡានសង្គ្រោះបន្ទាន់ស្វ័យប្រវត្តិពេលជួបគ្រោះថ្នាក់ចរាចរណ៍

2019-10-02 02:52:30
ចំនួនមតិ 0 | ចំនួនចែករំលែក 0

ចន្លោះមិនឃើញ

Google បានជ្រុលបង្ហាញអំពីការអាប់ដេតលើកម្មវិធី Emergency Information ដែលមានផ្ដាច់មុខលើស្មាតហ្វូនត្រកូល Pixel។ ការអាប់ដេតថ្មីបានកែប្រែឈ្មោះកម្មវិធីទៅជា "Personal Safety”។

ការអាប់ដេតនេះបានប្រទះឃើញដោយសមាជិក XDA-Developer នៅលើឧបករណ៍ Pixel 2 XL។ គេអាចមានឱកាសចូលទៅក្នុង Play Store សម្រាប់កម្មវិធីថ្មីនេះ ហើយអាចរក្សាទុក Screenshot មួយចំនួនសម្រាប់មុខងារថ្មីទាក់ទងនឹងគ្រោះថ្នាក់ចរាចរណ៍។

ក្នុង Play Store បានរៀបរាប់អំពីមុខងារថាស្មាតហ្វូនអាចដឹងប្រសិនបើអ្នកជួបគ្រោះថ្នាក់ចរាចរណ៍រវាងរថយន្ត (ដោយប្រើប្រាស់ទិន្នន័យទីតាំងនិង Sensor) ហើយវានឹងតេទៅកាន់ភ្នាក់ងារសង្គ្រោះបន្ទាន់ដោយស្វ័យប្រវត្តិ។

មុខងារថ្មីនេះនឹងរំញ័រទូរសព្ទ ហើយបន្លឺសំឡេងខ្លាំងមួយ សួរថាតើអ្នកត្រូវការជំនួយឬអត់។ ប្រសិនបើគ្មានការឆ្លើយតបវានឹងតេទៅភ្នាក់ងារសង្គ្រោះបន្ទាន់។ អ្នកក៏អាចចុចលើប៊ូតុង "911 Emergency” ឬឆ្លើយតបថាខ្លួនអ្នកមានសុវត្ថិភាពដោយចុចលើ "I'm OK”។

ការរកឃើញរបស់ XDA បានបញ្ជាក់ថាមុខងារនេះដំណើរការតែនៅសហរដ្ឋអាមេរិក ហើយគេមិនច្បាស់ថាវានឹងមានលើគ្រប់ស្មាតហ្វូន Pixel ឬមានសម្រាប់តែ Pixel 4 ដែលរៀបនឹងប្រកាសចេញនោះទេ៕

ចុចអាន ៖ ល្បីថា Galaxy S11 ប្រើសុទ្ធតែ Sensor អាចវាស់ដឹងកម្រិតជាតិស្ករក្នុងបន្លែផ្លែឈើ

ប្រភព៖ Androidauthority ប្រែសម្រួល៖ សុខហេង