ជិះផង! រត់ផង! នៅលើភ្នំបូកគោដើម្បីសុខភាពនិងសប្បុរសធម៌
- 2019-10-09 12:19:00
- ចំនួនមតិ 0 | ចំនួនចែករំលែក 0
ជិះផង! រត់ផង! នៅលើភ្នំបូកគោដើម្បីសុខភាពនិងសប្បុរសធម៌
ចន្លោះមិនឃើញ
ការហាត់ប្រាណជារឿងល្អមួយសម្រាប់សុខភាពរបស់មនុស្សយើង តែបើការហាត់ប្រាណបានទាំងសុខភាពនិងបានចំរើនដល់សង្គមទៀត វាជារឿងមួយសម្រាប់ខ្លួនឯងនិងប្រទេសជាតិផ្ទាល់តែម្តង។ កម្មវិធីរត់ប្រណាំងអន្តរជាតិពាក់កណ្តាលម៉ារ៉ាតុងនិងប្រណាំងកង់លើកទី៦ជាកម្មវិធីដែលបានទទួលប្រយោជន៏ទាំងអស់នេះ។ កម្មវិធីសប្បុរសធម៌ធ្វើឡើងនៅភ្នំបូកគោ ខេត្តកំពត ចាប់ពីថ្ងៃ ទី២៦-២៧ ខែតុលា ឆ្នាំ ២០១៩។
ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុងនិងប្រណាំងកង់លើកទី៦នេះ ផ្តល់ ឱកាសដ៏មានអត្ថន័យដល់អ្នកចូលរួមទាំងអស់ ដោយពួកគេបានរួមចំណែកគាំទ្រដល់មន្ទីរពេទ្យគន្ធបុប្ផា ហើយទន្ទឹមនឹងនេះដែរអ្នកចូលរួមក៏នឹងទទួលបាននូវបទពិសោធន៏ពិសេសដ៏រីករាយ និងអនុស្សាវរីយ៍ដែលមិនអាចបំភ្លេចបានជាមួយក្រុមគ្រួសារ និងមិត្តភក្តិ។
ព្រឹត្តិការណ៍សប្បុរសធម៌នេះគឺបើកចំហសម្រាប់ទាំងជនបរទេសនិងប្រជាជនកម្ពុជា ដោយមិនកំណត់ពីអាយុ សម្រាប់ការរត់ប្រណាំង (Fun Run) ហើយចំពោះអ្នកចូលរួមប្រណាំងកង់គឺតម្រូវឲ្យមានអាយុចាប់ពី៩ឆ្នាំឡើងទៅ។
ចំពោះកម្មវិធីប្រណាំងកង់គឺនឹងប្រព្រឹត្តិនៅថ្ងៃសៅរ៍ទី២៦ខែតុលា មានចម្ងាយផ្លូវ៤ប្រភេទខុសៗគ្នា មានដូចជា៖
ចំពោះការរត់ប្រណាំងវិញនឹងធ្វើឡើងនៅថ្ងៃអាទិត្យទី២៧ ខែតុលា ដោយរត់ពាក់កណ្ដាលម៉ារ៉ាតុង ដែលមានបីវិញ្ញាសារចម្ងាយ៖
សម្រាប់អ្នកចូលក៏មានជម្រើសក្នុងការស្នាក់តាមលទ្ធភាព របស់ខ្លួនដូចជានៅសណ្ឋាគារឋានសួគ៌សុខាបូកគោ ស្នាក់នៅតាមរយៈការបោះតង់ ឬនៅ Bokor Inn ជាមួយនឹងតម្លៃសមរម្យ។ ចំណែកឯនៅពេលយប់គឺមានការប្រគំតន្ត្រី ដើម្បីញុំងឱ្យព្រឹត្តិការណ៍នោះកាន់តែសប្បាយរីករាយទ្វេឡើង។ ភ្នំបូកគោគឺជាគោលដៅទេសចរណ៍ប្រវត្តិសាស្ត្រដ៏ល្បីល្បាញនៅក្នុងប្រទេសកម្ពុជា ដោយសារតែវាមានទេសភាពដ៏អស្ចារ្យ នៃផ្ទាំងថ្ម ប្រាសាទ វាលស្រែ ៥០០ ផ្កាបំពង់ក្រឡោម និងពពកវិលជាដើម។
សម្រាប់ព័ត៌មានបន្ថែមសូមទំនាក់ទំនងតាមលេខទូរស័ព្ទ ០១៦ ៦១៦ ១២៦ ។ ឬអ៊ីមែល: dos.corp@sokhahotels.com និង គេហទំព័រ www.bokormarathon.com.kh/ ៕