កូន SUV នេះមានតម្លៃត្រឹម ១០ ១៦០ដុល្លារលក់នៅចិន
- 2019-10-30 03:45:49
- ចំនួនមតិ 0 | ចំនួនចែករំលែក 0
កូន SUV នេះមានតម្លៃត្រឹម ១០ ១៦០ដុល្លារលក់នៅចិន
ចន្លោះមិនឃើញ
ក្រុមហ៊ុន Baojun ដែលជាម៉ាករថយន្តនៅចិនរបស់ក្រុមហ៊ុនអាមេរិក General Motors បានបញ្ចេញលក់រថយន្ត SUV ខ្នាតតូចម៉ូដែល RS-3 ជាផ្លូវការនៅប្រទេសចិន។
RS-3 នេះគឺជាម៉ូដែលទីបួន ក្នុងចំណោមផលិតផលថ្មីដែលក្រុមហ៊ុន Baojun បញ្ចេញនៅឆ្នាំនេះ។ រថយន្តនេះមានបំពាក់ដោយរន្ធខ្យល់ និងឡូហ្គោថ្មីរបស់ Baojun មើលទៅទាន់សម័យបំផុត និងប្រើប្រាស់រចនាបថអំពូលមុខ/ក្រោយមានរាងស្លីម។
Baojun RS-3 មានប្រវែង ៤៣០៥ ម.ម ទទឹង ១៧៤៨ ម.មនិងកម្ពស់១៥៩៧ ម.ម ដែលក្រុមហ៊ុនអះអាងថាអាចផ្ដល់ទំហំធំទូលាយសម្រាប់អ្នកធ្វើដំណើរ និងសម្រាប់ការផ្ទុកសម្ភារៈផ្សេងៗ។ រថយន្តនេះក៏ទំនើបណាស់ដែរ ដែលវាមាននូវប្រព័ន្ធភ្ជាប់ទំនាក់ទំនងចុងក្រោយរបស់ Baojun អាចភ្ជាប់ទូរសព្ទជាមួយរថយន្ត, ការបញ្ជាដោយសំឡេង និងការអាប់ដេតប្រព័ន្ធតាមអ៊ីនធឺណិត។
RS-3 ប្រើម៉ាស៊ីនសាំង ១,៥ លីត្រ ភ្ជាប់នឹងប្រអប់លេខដៃ ៦ វគ្គ ឬប្រអប់លេខស្វ័យប្រវត្តិ ដែលផលិតកម្លាំងបាន ១០៣ សេះ។ នៅប្រទេសចិនរថយន្តនេះមានចំនួន ៤ ប្រភេទ ដែលមានតម្លៃចាប់ពីប្រមាណ ១០ ១៦០ ដុល្លារ ទៅ ១២ ៧១០ ដុល្លារ៕
ចុចអាន ៖ មកដឹងតម្លៃ Lexus RX 450h 2020 លក់នៅវៀតណាម