ទូទៅហើយគេនាំគ្នាហៅ "ប៊ូតុង X" តែ Sony បកស្រាយថាមិនមែនហៅអ៊ីចឹងទេ

2019-11-05 07:25:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនិយមលេងហ្គេមឬអ្នកគាំទ្រផលិតផល PlayStation សឹងតែទាំងអស់ តែងទម្លាប់ហៅប៊ូតុង X អស់រយៈពេលជាង ២០ ឆ្នាំមកហើយ។ យ៉ាងណាមិញតាមរយៈការប្រកាសរបស់ក្រុមហ៊ុន Sony គ្រាប់ប៊ូតុងរាងអក្សរ X មួយនោះ ត្រូវហៅថា "ប៊ូតុង Cross" ពោលគឺមិនមែន "ប៊ូតុង X" ឡើយ។

តាមរយៈការស៊ើបសួរកន្លងមកនៅលើគណនីផ្លូវការ PlayStation ក្នុងបណ្តាញសង្គម Twitter ដែលមាន Follower ប្រមាណ ១៧ លាននាក់ ចម្លើយមាន ៨១ ភាគរយបានឆ្លើយតបថាហៅ ប៊ូតុង X ស្របពេល ៨ ភាគរយប៉ុណ្ណោះដែលរមែងហៅ ប៊ូតុង Cross។

រំឭកថានេះក៏ជាការភ័ន្តច្រឡំនិងក្លាយទៅជាទម្លាប់ទៅហើយរបស់អ្នកប្រើប្រាស់ មិនខុសពីផលិតផលរបស់ Apple ឡើយ សោតយ៉ាងដូចជា iPhone X ដែលអក្សរ 'X' ក្រុមហ៊ុនលោក Tim Cook ចង់តំណាងឲ្យលេខ ១០ តែភាគច្រើនពុំបានហៅ "iPhone Ten" ស្រដៀងនឹង OS X ប្រព័ន្ធដំណើរការលើ Macs គ្រប់គ្នាក៏ពុំបានហៅ "OS Ten" ដែរ៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា