ចេញគំនូសព្រាង OnePlus 8 Pro មានចោះរន្ធអេក្រង់ដាក់កាមេរ៉ា Selfie ភ្លោះ
- 2019-11-20 06:20:56
- ចំនួនមតិ 0 | ចំនួនចែករំលែក 0
ចេញគំនូសព្រាង OnePlus 8 Pro មានចោះរន្ធអេក្រង់ដាក់កាមេរ៉ា Selfie ភ្លោះ
ចន្លោះមិនឃើញ
ត្បិតថា OnePlus ទើបប្រកាសចេញ 7T កាលពីខែមុន ប៉ុន្តែស្មាតហ្វូន OnePlus ថ្មីបានចាប់ផ្ដើមធ្វើការអភិវឌ្ឍបាត់ទៅហើយ។ ដំណឹងចុងក្រោយអំពីស្មាតហ្វូន OnePlus ថ្មី ចេញពី TrueTech មានបញ្ហាគំនូសព្រាងអំពីការឌីហ្សាញរបស់ OnePlus 8 Pro។
មុនគំនូសបំព្រាងនេះ កាលពីជាងមួយខែមុនក៏មានលេចចេញរូបរាង Render របស់ OnePlus ថ្មី ដែលមានការឌីហ្សាញស្រដៀងគ្នាខ្លាំងនឹងគំនូសបំព្រាងនេះ។ ការឌីហ្សាញជារួមគឺមានលក្ខណៈស្រដៀងនឹង OnePlus 7 Pro ដែរ ប៉ុន្តែមានការផ្លាស់ប្ដូរមួយចំនួន។
គំនូសបំព្រាងបង្ហាញថា ស្មាតហ្វូន OnePlus ថ្មីមានពីរប្រភេទ ដោយមួយមានកាមេរ៉ា Selfie តែមួយគ្រាប់ និងមួយទៀតមានកាមេរ៉ា Selfie ពីរគ្រាប់ ដែលចោះរន្ធដាក់លើអេក្រង់។ រចនាបថនេះចូលមកជំនួសរចនាបថកាមេរ៉ា Selfie ផុសចេញពីតួខ្លួន ដែលប្រើនៅលើ OnePlus 7 Pro។
នៅផ្នែកខាងក្រោយមានកាមេរ៉ាចំនួន ៤ គ្រាប់ ដែលមានបីគ្រាប់រៀបចំដូចជា OnePlus 7 Pro ហើយនៅក្បែរនោះមានបន្ថែមនូវកាមេរ៉ាទី ៤ ជាកាមេរ៉ាវាស់ជម្រៅសម្រាប់ថតរូបភាព Portrait។ នៅពីក្រោយកាមេរ៉ាទី ៤ គឺជា Laser Autofocus។
ចំណែកឯទីតាំងប៊ូតុង Power, ប៊ូតុងបន្ថែមបន្ថយសំឡេង និងប៊ូតុងដាក់ញ័រ គឺស្ថិតនៅទីតាំងដូចជា OnePlus 7 Pro និង 7T Pro ដែរ។ កន្លះឆ្នាំទៀត OnePlus ជំនាន់ថ្មីអាចនឹងបង្ហាញមុខ ដោយកាល OnePlus 7 Pro គឺប្រកាសចេញកាលពីខែឧសភា៕
ចុចអាន ៖ អ្នកប្រើ OnePlus 3 និង 3T ទទួលបានការមើលថែពីក្រុមហ៊ុនលើកចុងក្រោយ