មូលហេតុសំខាន់មួយ អាចធ្វើឱ្យទីម័រលេងមិនល្អ ជាឱកាសកម្ពុជាគ្របយកគ្រាប់
- 2019-11-28 02:46:03
- ចំនួនមតិ 0 | ចំនួនចែករំលែក 0
មូលហេតុសំខាន់មួយ អាចធ្វើឱ្យទីម័រលេងមិនល្អ ជាឱកាសកម្ពុជាគ្របយកគ្រាប់
ចន្លោះមិនឃើញ
ក្រុមបាល់ទាត់ក្រោមអាយុ២២ឆ្នាំរបស់កម្ពុជា បានយកឈ្នះលើក្រុមយុវជនរបស់ទីម័រ ក្នុងលទ្ធផលញាក់សាច់ ៥-០ នាការប្រកួតទី២នៅស៊ីហ្គេម២០១៩នាប្រទេសហ្វីលីពីន។
សម្រាប់ការប្រកួតនេះ ឃើញថាកម្ពុជាគ្របលើក្រុមទីម័រតាំងពីបើកឆាកមក រហូតទទួលបានគ្រាប់បាល់ជាបន្ដបន្ទាប់។ ក្រៅពីការប្រកួតនេះដែរ នៅមានរឿងមួយទៀតដែលបានកើតឡើងទៅលើក្រុមទីម័រអាចធ្វើឱ្យក្រុមនេះខូចទម្រង់ គឺកីឡាករដែលលើសអាយុទី៣ Silveiro Garcia ជាខ្សែប្រយុទ្ធសំខាន់របស់ក្រុម។ ខ្សែប្រយុទ្ធម្នាក់នេះ ក្រោយពីធ្លាយដំណឹងថាលើសអាយុ ក៏ត្រូវបានអ្នករៀបចំការប្រកួត ខ្វែងឈ្មោះចោល មិនអាចចូលលេងបានទល់ក្រុមកម្ពុជាឡើយ។ ព្រោះក្រុមទីម័រ មានកីឡាករ២នាក់រួចស្រេចទៅហើយ។
កត្តាបាត់ខ្សែប្រយុទ្ធខាងលើនេះ ក៏អាចនឹងធ្វើឱ្យក្រុមទីម័រ ដែលកម្ពុជាមិនអាចយកឈ្នះបាន២លើកកន្លងមកនោះ ថមថយកម្លាំងប្រយុទ្ធបន្តិចដែរ។ ស្របពេលសន្ទុះប្រយុទ្ធកម្ពុជាខ្លាំងផង ទើបក្រុមទីម័រដូចជាបាត់បង់ស្មារតីចាប់តាំងពីនាទី៦០ទៅ។
ជយជម្នះយ៉ាងធំធេងនេះ បានធ្វើឱ្យក្រុមកម្ពុជា ហក់ឡើងទៅឈរកំពូលតារាងពូល A សិន រង់ចាំមើល២ប្រកួតបន្ទាប់ដែលប៉ះក្រុមមីយ៉ាន់ម៉ា និងម៉ាឡេស៊ី៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
