សប្បាយមិនខាន! ៦០០នាក់ជិះឡាន Ford ទៅបោះជំរំនៅស្ទឹងត្រែងហើយ ឆ្ពោះទៅប្រទេសឡាវទៀត

2019-12-06 01:30:48
ចំនួនមតិ 0 | ចំនួនចែករំលែក 0

ចន្លោះមិនឃើញ

នាព្រឹកព្រលឹមស្រាងៗនេះ ក្បួនរថយន្ត ១៣០ គ្រឿងរបស់អតិថិជនក្រុមហ៊ុន RMA Cambodia បានធ្វើដំណើរចេញហើយពីទីក្រុងភ្នំពេញ ឆ្ពោះទៅខេត្តស្ទឹងត្រែង និងទីក្រុងប៉ាកសេ ខេត្តចម្ប៉ាសាក់ ប្រទេសឡាវ។ នេះជាដំណើរកម្សាន្ត ADVENTURE ឆ្លងដែនដ៏អស្ចារ្យដែលមានអ្នកចូលរួមប្រមាណ ៦០០នាក់ ដោយចំណាយពេល៣យប់៤ថ្ងៃ គឺថ្ងៃទី៦ -៩ ខែធ្នូ ឆ្នាំ ២០១៩។

អតិថិជនដែលជាម្ចាស់រថយន្ត Ford គ្រប់រូប ពិតជារីករាយជាមួយទេសភាពព្រៃភ្នំនៅតាមដងផ្លូវក្នុងទឹកដីខេត្តស្ទឹងត្រែង រួមជាមួយនឹងបទពិសោធន៍បោះជំរំដ៏អស្ចារ្យនៅលើវាលស្មៅយ៉ាងស្រស់ត្រកាលនៃខេត្តចម្ប៉ាសាក់ ប្រទេសឡាវ។ លើសពីនេះទៀត អ្នកចូលរួមទាំងអស់នឹងមានឱកាសដើរទិញទំនិញ ជាច្រើនសំបូរបែបក្នុងតម្លៃសមរម្យក្នុងផ្សារទំនើបនៅខេត្តចម្ប៉ាសាក់ ប្រទេសឡាវថែមទៀតផង។ នេះពិតជាការដំណើរកម្សាន្តដែលប្រកបដោយអនុស្សាវរីយ៍ ព្រមទាំងការបង្កើតមិត្តភក្កិថ្មីៗ យ៉ាងរីករាយសម្រាប់ឱកាសចុងឆ្នាំនេះ។

ដំណើរកម្សាន្តនេះ ធ្វើឡើងជារៀងរាល់ឆ្នាំ ក្នុងនោះកាលពីឆ្នាំ២០០៧ ទៅខេត្តមណ្ឌលគិរី , ឆ្នាំ២០០៨ ទៅកាន់ខេត្តរតនគិរី ។ ឆ្នាំ២០០៩ ទៅកាន់ខេត្តប៉ៃលិន, ឆ្នាំ២០១០ និងឆ្នាំ២០១១ ទៅកាន់ទឹកដីខេត្តចម្ប៉ាសាក់ ប្រទេសឡាវ, ឆ្នាំ២០១២ ទៅកាន់ខេត្តមណ្ឌលគិរី, ឆ្នាំ ២០១៣ក៏បានទៅទឹកដីប្រទេសឡាវម្តងទៀត, ឆ្នាំ២០១៤ ទៅកាន់ខេត្តត្រាត ប្រទេសថៃ, ឆ្នាំ២០១៥ ទៅកាន់ខេត្តច័ន្ទបុរី ប្រទេសថៃ, ឆ្នាំ២០១៦ ទៅកាន់ខេត្តបុរីរាម ឆ្នាំ ២០១៧ ទៅកាន់ទីក្រុងប៉ាតាយ៉ា និងឆ្នាំ ២០១៨ ទៅកាន់ខេត្តច័ន្ទបុរី ប្រទេសថៃ ដោយមានចំនួនអ្នកចូលរួមកើនឡើងជាបន្តបន្ទាប់ ។

ដំណើរកំសាន្ត FORD Adventure ឆ្នាំ២០១៩ នេះ រៀបចំដោយក្រុមហ៊ុន អ អិម អេ ខេមបូឌា (RMA Cambodia) នៅក្នុងប្រទេសកម្ពុជា និងឧបត្ថម្ភកម្មវិធី ដោយក្រុមហ៊ុន PTT ខេមបូឌា ដែលជាប្រេងឥន្ធនៈឈានមុខគេនៅកម្ពុជា ក្រុមហ៊ុនភេសជ្ជៈកម្ពុជា Coca Cola, ធនាគារ KB Daehan Specialized Bank Plc. ហើយក៏មានការចូលរួមសហការជាមួយ AIA (Cambodia) Life Insurance ក្រុមហ៊ុន EFG (Express Food Group) ដែលរួមមាន Pizza Company, Swensen’s និង Dairy Queen, Philip General Insurance Cambodia, និងក្រុមហ៊ុន Cooper Tire៕

អានបន្ត៖ ឃើញកុំឆ្ងល់! ឡាន FORD ចំនួន ១៣០គ្រឿង នឹងបើកចេញពីភ្នំពេញទៅប្រទេសឡាវដើមខែក្រោយ

អត្ថបទ៖ លឹម សុនា