មានភស្តុតាងរឹតតែច្រើនហើយថា Galaxy S11 អាចថតវីដេអូដល់កម្រិត 8K
- 2019-12-05 02:42:07
- ចំនួនមតិ 0 | ចំនួនចែករំលែក 0
មានភស្តុតាងរឹតតែច្រើនហើយថា Galaxy S11 អាចថតវីដេអូដល់កម្រិត 8K
ចន្លោះមិនឃើញ
ប៉ុន្មានខែទៀតទើប Samsung បង្ហាញចេញ Galaxy S11 ជាផ្លូវការ ប៉ុន្តែដំណឹងលេចធ្លាយដែលលេចចេញជាបណ្ដើរៗបានប្រាប់អំពីចំណុចខ្លាំងមួយចំនួនរបស់ស្មាតហ្វូនកំពូលនេះ។
ទាក់ទងនឹងកាមេរ៉ារបស់ Galaxy S11 ក្រុមការងារ SamMobile បានចុះផ្សាយអំពីភស្តុតាងជាច្រើនបង្ហាញថាវាអាចថតវីដេអូដល់កម្រិត 8K ឯណោះ។ ប្រភពរបស់ SamMobile បានបញ្ជាក់ថា Galaxy S11 នឹងពិតជាអាចថតវីដេអូបាន 8K។
បន្ទះឈីបដែលអាចទ្រាំទ្រនឹងការថតវីដេអូកម្រិត 8K នេះក៏បានលេចមុខចេញមកដែរ ដែលក្នុងនោះរួមមានបន្ទះឈីប Snapdragon 865 ដែល Qualcomm ទើបប្រកាសចេញ និងបន្ទះឈីប Exynos 990 បង្កើតដោយ Samsung។ បន្ទះឈីប Exynos 990 ទំនងជាប្រើលើ Galaxy S11 ដែលសម្រាប់លក់នៅកូរ៉េខាងត្បូង ហើយឈីប Snapdragon នឹងប្រើសម្រាប់ទីផ្សារផ្សេងទៀត។
កូដពី APK នៃកម្មវិធី Samsung Camera ដែលបញ្ចូលក្នុង One UI 2.0 ប្រភេទ Beta 4 ក៏មានបញ្ចូលនូវកូដដែលនិយាយអំពីការថតវីដេអូកម្រិត 8K ផងដែរ។ ដែលនេះជាតម្រុយមួយទៀតអំពីសមត្ថភាពកាមេរ៉ាលើ Galaxy S11។
Galaxy S11 រំពឹងថានឹងមានកាមេរ៉ាមេកម្រិត ១០៨ MP ហើយកាមេរ៉ា Zoom របស់វានឹងមានសមត្ថភាព Optical Zoom បាន 5x (៥ ដង) ដែលមានឈ្មោះថា "Hubble” ហើយកាមេរ៉ា Zoom ក៏នឹងមានបច្ចេកវិទ្យារក្សាលំនឹងផងដែរ៕
ចុចអាន ៖ Apple ត្រូវបានគេព្យាករណ៍ថានឹងឡើងមកលេខ ២ វិញនៅត្រីមាសទី ៤ ឆ្នាំ ២០១៩