តារាកូរ៉េ៩ រូបដែលកើតចេញពីគ្រួសារក្រលំបាក

2019-12-06 03:43:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Rain, IU, Jae Joong គឺជាតារាកូរ៉េមួយចំនួនដែលបានឆ្លងកាត់រឿងកម្សត់កម្រជាច្រើន កាលពីកុមារភាព។

Cha Seung Won

chaseungwon1

ថ្មីៗនេះ នៅក្នុងកម្មវិធី List of names តារាសម្ដែង Cha Seung Won បានចែករំលែកពីរយៈពេលដែលក្រលំបាករបស់ខ្លួន។ នៅពេលដែលទើបរៀបការដំបូង លោកត្រូវរស់នៅជាន់ក្រោមដី អស់រយៈពេលបីឆ្នាំ ដោយគ្មានប្រាក់ទិញរបស់មានតម្លៃអ្វីទាំងអស់។ នោះគឺជារឿងរបស់អតីតកាលដែលខុសគ្នាស្រឡះពីពេលបច្ចុប្បន្ន ដែលលោកអាចរកបាន ១០ លានដុល្លារក្នុងមួយឆ្នាំ និងធ្វើជាអ្នកតំណាងឲ្យម៉ាកសំលៀកបំពាក់ចំនួន ១៣ ម៉ាក។ យ៉ាងណាមិញ Cha Seung Won មិនមែនជាតារាតែមួយគត់ដែលត្រូវឆ្លងកាត់ជីវិតកម្សត់កម្រនោះទេ។

Rain

rain

Rain ក៏ជាមនុស្សម្នាក់ដែលធំដឹងក្ដីឡើងក្នុងជីវភាពលំបាកលំបិនដែរ។ គ្រួសាររបស់តារាចម្រៀងនេះ រស់នៅទាំងខ្វះការហូបចុក។ ម្ដាយរបស់លោកធ្លាក់ខ្លួនឈឺ តែគ្មានថវិកាដើម្បីព្យាបាលក៏ដូចជាទិញថ្នាំ។ មានពេលមួយ គ្រួសារមួយនេះបានធ្លាក់កូដដល់ថ្នាក់គ្មានជម្រកសម្រាប់ស្នាក់នៅ។ យ៉ាងណាក៏ដោយ ការត្រូវគេមើលងាយដោយសារតែខ្លួនជាអ្នកក្រ បានក្លាយជាការលើកទឹកចិត្តឲ្យ Rain ប្រឹងប្រែងរៀនសូត្រនិងហ្វឹកហាត់។ មិត្តប្រុស Kim Tae Hee បានចំណាយពេលរាប់ម៉ោងដើម្បីហាត់រាំជារៀងរាល់ថ្ងៃ ដើម្បីចាប់យកក្ដីសុបិនក្លាយជាអ្នកចម្រៀងរបស់ខ្លួន។ គួរឲ្យសោកស្ដាយម្ដាយរបស់តារាវ័យ ៣៣ ឆ្នាំ មិនអាចរស់នៅរហូតដល់ថ្ងៃបានឃើញកូនប្រុសទទួលបានជោគជ័យដូចសព្វថ្ងៃឡើយ។

Seo In Guk

seoinguk

គ្រួសាររបស់ Seo In Guk ធ្លាប់រស់នៅដោយប្រកបរបរប្រមូលអេតចាយ។ តារាចម្រៀងប្រុសរូបនេះបានត្រូវគេបដិសេធជាច្រើនដងមុនពេលទទួលបានជ័យលេខមួយក្នុងកម្មវិធី Superstar K។

ចាប់កំណើតនៅក្នុងគ្រួសារធូរធារមួយតែ IU បានធំដឹងក្ដីឡើងក្នុងជីវភាពវេទនា។ ក្រោយពេលការរកស៊ីរបស់គ្រួសារត្រូវក្ស័យធន អ្នកផ្ទះរបស់ IU ត្រូវរើពីផ្ទះទូលំទូលាយ ទៅនៅផ្ទះតូចចង្អៀត ហើយចុងក្រោយត្រូវទៅនៅក្នុងបន្ទប់តូចមួយទាំងអស់គ្នា។ គ្មានលទ្ធភាពចិញ្ចឹមកូនទាំងពីរ ឪពុកម្ដាយរបស់ IU បានផ្ញើនាងឲ្យទៅរស់នៅជាមួយលោកយាយរបស់នាង។ នៅពេលល្បីឈ្មោះ IU បានក្លាយជាសសរទ្រូងជួយជ្រោមជ្រែងគ្រួសាររបស់ខ្លួន។

Kim Jae Joong

jyjkimjaejoong

នៅពេលដែលនៅជាយុវវ័យ Jae Joong បានចាកចេញពីផ្ទះមករស់នៅទីក្រុងដើម្បីឈោងចាប់យកក្ដីសុបិនរបស់ខ្លួន។ ដោយសារតែមិនអាចសុំប្រាក់ពីគ្រួសារបាន សមាជិកក្រុមចម្រៀង JYJ បានប្រឹងរកប្រាក់ដោយខ្លួនឯង។ មានរយៈពេលមួយ តារាវ័យ ២៩ ត្រូវលក់ឈាមដើម្បីប្ដូរយកលុយទៀតផង។

Yun Ho

feat3

ដូចគ្នានឹង IU ដែរ គ្រួសាររបស់ Yunho ត្រូវឆ្លងកាត់ទុក្ខវេទនាដោយសារតែការជំនួញរបស់គ្រួសារត្រូវក្ស័យធន។ គ្រួសាររបស់ មេក្រុម TVXQ ត្រូវបណ្ដេញចេញពីផ្ទះ ដេកនៅរ៉ារទេះភ្លើង និងយកក្រដាសកាសែតធ្វើជាភួយដណ្ដប់ពេលរងា។

Lee Joon

2213_leejoon_dedddd_1

គ្រួសាររបស់ Lee Joon ក្រដល់ថ្នាក់លោកគ្មានខោអាវថ្មីសូម្បីមួយសម្រាប់ ហើយក៏គ្មានឱកាសទៅលេងជាមួយគេឯងដែរនៅពេលសាលាមានកម្មវិធីទៅដើរកម្សាន្តនៅទីណាម្ដងៗ។ នេះក៏ជាមូលហេតុដែលធ្វើឲ្យតារាចម្រៀងរូបនេះត្រូវមិត្តភ័ក្ដិមើលងាយមិនចូលចិត្តដែរ។

Yoo Chun

roofparkyoochungirladoption

អតីតសមាជិកក្រុមចម្រៀង TVXQ មានរយៈពេលមួយត្រូវដេកនៅហាងមីមួយ ដោយសារតែម្ដាយរបស់លោកត្រូវរកស៊ីចិញ្ចឹមកូនក្រោយពេលលែងលះជាមួយប្ដីហើយ។

Sandara Park (2NE1)

tumblr_maw48vL2QR1qd4coro1_1280

គ្រួសាររបស់ Sandara បានចាប់ផ្ដើមធ្លាក់ខ្លួនលំបាក ក្រោយឪពុករបស់តារារូបនេះមានប្រពន្ធកូនលួចលាក់ផ្សេងទៀតនៅប្រទេសកូរ៉េ។ ចុងក្រោយឪពុករបស់នាងបានចាកចោលគ្រួសារដោយយកលុយទៅតាមខ្លួនទាំងអស់ ធ្វើឲ្យបន្ទុកគ្រួសារទាំងមូលធ្លាក់មកលើ Sandara ជាកូនស្រីច្បង ៕

ប្រភព៖ koreaboo, zing

ប្រែសម្រួល៖ សុវណ្ណផៃ