អ្នកប្រើ iPhone 5s និង iPhone 6 ទទួលបានការអាប់ដេតចុងក្រោយពី Apple
- 2019-12-12 06:22:00
- ចំនួនមតិ 0 | ចំនួនចែករំលែក 0
អ្នកប្រើ iPhone 5s និង iPhone 6 ទទួលបានការអាប់ដេតចុងក្រោយពី Apple
ចន្លោះមិនឃើញ
Apple បានបញ្ចេញកំណែទម្រង់ iOS 12.4.4 សម្រាប់ឧបករណ៍ iOS ចាស់ៗ ក្នុងគោលបំណងជួសជុលចន្លោះប្រហោងផ្នែកសុវត្ថិភាព។
iPhone ចាស់ៗដែលអាចអាប់ដេតបានមាន iPhone 6 និង iPhone 5s ហើយសម្រាប់ iPad គឺបានលើ iPad Air (ជំនាន់មួយ), iPad mini 2 និង iPad mini 3 រួមទាំង iPod touch 6 ផងដែរ។ ការផ្លាស់ប្ដូរនៃកំណែទម្រង់ថ្មីនេះមិនមាននិយាយអ្វីច្រើនឡើយ ដោយបានប្រាប់ថាវាជាការអាប់ដេតសុវត្ថិភាពដ៏សំខាន់ និងណែនាំឲ្យគ្រប់គ្នាអាប់ដេត។
គេចាប់អារម្មណ៍ថា iPhone 5s នៅតែអាចទទួលបានការអាប់ដេត ខណៈដែលវាមានអាយុកាល ៦ ឆ្នាំទៅហើយនោះ។ ប្រៀបធៀបនឹងក្រុមហ៊ុនស្មាតហ្វូន Android ភាគច្រើន មានលក្ខខណ្ឌផ្ដល់កំណែទម្រង់ត្រឹម ១៨ ខែប៉ុណ្ណោះ៕