សមាគមកីឡាសីស្លាបខ្មែរ បើកការប្រកួតរកអ្នកមានថ្វីជើងទូទាំងប្រទេសជាលើកទី២ព្រឹកមិញ
- 2019-12-14 04:43:08
- ចំនួនមតិ 0 | ចំនួនចែករំលែក 0
សមាគមកីឡាសីស្លាបខ្មែរ បើកការប្រកួតរកអ្នកមានថ្វីជើងទូទាំងប្រទេសជាលើកទី២ព្រឹកមិញ
ចន្លោះមិនឃើញ
សមាគមកីឡាសីស្លាបខ្មែរ បើកការប្រកួតជាផ្លូវការព្រឹកមិញនេះរកជើងឯកទូទាំងប្រទេសជាលើកទី២ ក្នុងឆ្នាំ២០១៩ នៅឯស្តាតចាស់ ខណៈក្លឹបចូលរួមមានរហូតដល់ទៅ២១រាជធានីខេត្ត។
លោក សុខ ភិរម្យ ប្រធានសមាគមសីស្លាបខ្មែរបានឲ្យដឹងថា នេះជាលើកទី២ហើយដែលសមាគមរៀបចំការប្រកួតជ្រើសរើសជើងឯកទូទាំងប្រទេសនេះ។ លើកទី១គឺធ្វើឡើងក្នុងកម្មវិធីបុណ្យសមុទ្រឆ្នាំមុននៅឯខេត្តកោះកុង។
ប្រធានសមាគមខាងលើនេះបន្តថា គោលបំណងធំនៃការរៀបចំកម្មវិធីនេះគឺ ទី១ចង់អភិរក្សល្បែងប្រជាប្រិយសីស្លាបនេះឲ្យនៅគង់វង្សព្រោះវាជារបស់ខ្មែរ និងជាការផ្សព្វផ្សាយនៅអ្វីដែលខ្លួនមានឲ្យប្រជាជនខ្មែរទាំងអស់បានដឹង បានស្គាល់។ ទី២ចង់ប្រែក្លាយសីស្លាបពីការលេងធម្មតាបង្កើតទៅជាកីឡាផ្លូវការដែលមានគេទទួលស្គាល់ ជាពិសេសស្ថាប័នកីឡារបស់កម្ពុជា និងមានការជួយជ្រោមជ្រែងដើម្បីអភិវឌ្ឍន៍ឲ្យកាន់តែរីកចម្រើន។
ការប្រកួតសីស្លាបខ្មែរនេះធ្វើឡើងរយៈពេលតែ១ថ្ងៃប៉ុណ្ណោះនៅឯក្នុងសាលនៃកីឡដ្ឋានស្តាតចាស់។ ចំពោះក្លឹបចូលរួមមាន ២១ មកពីរាជធានីខេត្ត និងមានកីឡាករ កីឡាការិនីសរុប ២៣០នាក់។ ជើងឯកទូទាំងប្រទេសលើកទី១ ឆ្នាំ២០១៨ បានទៅលើក្រុមសីស្លាបមុខព្រះបរមរាជវាំង៕