ជនជាតិអាមេរិកមិនដល់ ១០ ភាគរយទេ ហ៊ានចាយលុយ ១ ពាន់ដុល្លារទិញស្មាតហ្វូន
- 2019-12-16 02:31:48
- ចំនួនមតិ 0 | ចំនួនចែករំលែក 0
ជនជាតិអាមេរិកមិនដល់ ១០ ភាគរយទេ ហ៊ានចាយលុយ ១ ពាន់ដុល្លារទិញស្មាតហ្វូន
ចន្លោះមិនឃើញ
តាមទិន្នន័យស្រាវជ្រាវចេញពី NPD បានបង្ហាញឲ្យឃើញថាជនជាតិអាមេរិកក្រោម ១០ ភាគរយតែប៉ុណ្ណោះ ដែលបានចំណាយថវិកាទៅលើស្មាតហ្វូនមានតម្លៃលើសពី ១ ពាន់ដុល្លារ។
របាយការណ៍ដដែលក៏សង្កត់ធ្ងន់ថាក្នុងចំណោមតួលេខនោះ ភាគច្រើនចេញពីអ្នកប្រើប្រាស់ដែលរស់នៅក្នុងទីក្រុង New York និង Los Angeles ដោយមិនមែនមកពីមូលហេតុនៃការរកបានចំណូលខ្ពស់ ផ្ទុយទៅវិញដោយសារទីក្រុងទាំងពីររាប់ចូលជាតំបន់នៃមជ្ឈមណ្ឌលប្រព័ន្ធផ្សព្វផ្សាយ ហើយញាំងឲ្យអ្នកប្រើប្រាស់ចង់ស្គាល់ចង់ដឹងពីបច្ចេកវិទ្យានិងមុខងារថ្មីទំនើបលើស្មាតហ្វូន។
តាមទិន្នន័យនេះសោតអាចឲ្យយើងដឹងបានថាបច្ចេកវិទ្យា 5G ទំនងជាមិនអាចទទួលបានការគាំទ្រខ្លាំងក្លានោះទេនៅទីផ្សារអាមេរិក ព្រោះបើតាមភាពជាក់ស្តែងនិងដំណឹងល្ហិចល្ហៀងសព្វថ្ងៃស្មាតហ្វូនមានប្រើ 5G ក៏តម្លៃសុទ្ធឡើងដល់ខ្ទង់ពាន់ដុល្លារទាំងអស់ ជាហេតុរុញឲ្យអតិថិជនអាចមានចិត្តស្ទាក់ស្ទើរជាមិនខាន។
រំឭកថានៅទីផ្សារអាមេរិក iPhone 11 បានលក់ដល់ដាច់ស្តុក ពោលជាជោគជ័យធំធេងបើធៀបនឹង iPhone 11 Pro/iPhone 11 Pro Max ក៏ដោយសារកត្តាតម្លៃដែល Apple បញ្ចុះទាបជាងឆ្នាំទៅ ៥០ ដុល្លារមកសល់ត្រឹម ៦៩៩ ដុល្លារនៃទំហំ 64GB៕
អានអត្ថបទ:
មកដឹងតម្លៃម៉ូតូ GPX POPz 125cc ស៊េរីថ្មីឆ្នាំ ២០២០ ទើបចេញលក់ក្តៅៗ!
ផែនការយក្សរបស់មេធំ Facebook ត្រូវបាន FTC បញ្ឈប់ក្រោមហេតុផលម្យ៉ាង
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
