រថយន្តដឹកទំនិញ ISUZU ស៊េរីថ្មី ១តោនកន្លះ របស់ជប៉ុន ដាក់លក់ជាផ្លូវការនៅកម្ពុជា
- 2019-12-24 02:19:18
- ចំនួនមតិ 0 | ចំនួនចែករំលែក 0
រថយន្តដឹកទំនិញ ISUZU ស៊េរីថ្មី ១តោនកន្លះ របស់ជប៉ុន ដាក់លក់ជាផ្លូវការនៅកម្ពុជា
ចន្លោះមិនឃើញ
នៅថ្ងៃទី ២០ ខែធ្នូ កន្លងទៅ ក្រុមហ៊ុន ខេ (ខេមបូឌា) ជាក្រុមហ៊ុនតែមួយគត់ដែលទទួលបានសិទ្ធចែកចាយផ្ដាច់មុខនូវរថយន្តដឹកទំនិញម៉ាក Isuzu បានសម្ពោធជាផ្លូវការនូវរថយន្ត Isuzu ប្រភេទដឹកទំនិញចំណុះ ១ តោន កន្លះ ស៊េរីថ្មី ម៉ូដែល QKR55F នៅអគារតាំងបង្ហាញ នៅតាមបណ្ដោយផ្លូវវេងស្រេង ជាប់នឹងក្រុមហ៊ុនម៉ូតូហុងដា ដែលសម្ពោធក្នុងកម្មវិធីសម្ពោធដាក់លក់ជាផ្លូវការ។
រថយន្តស៊េរីថ្មីនេះមានលក្ខណៈពិសេសជាងម៉ូដែល ១តោនកន្លះ បច្ចុប្បន្ន ដូចជា សាស់ស៊ីមានប្រវែងវែងជាងមុន កង់ក្រោយភ្លោះមានទំហំប៉ុនគ្នា រ៉េសាវ័រដាក់ប្រេងម៉ាស៊ូតធំជាងមុន (ចំណុះ ១០០លីត្រ) ព្រមទាំងបំពាក់ដោយគុបស៊ីមាំងទប់រក្សាលំនឹងពេលដឹកធ្ងន់ និងចុះចំណោទជាដើម។ ចំណែកកាប៊ីន ឌីហ្សាញតាមបែប Aerodynamic មិនឲ្យស្ទះខ្យល់ពេលបើកបរ ជួយឲ្យម៉ាស៊ីនរត់ធូរ ស៊ីប្រេងតិច កាត់បន្ថយសំឡេង និងមានលំនឹងល្អ។
ចំពោះការរចនាផ្នែកខាងក្នុងវិញគឺមានភាពទូលាយផ្ដល់ភាពងាយស្រួលសម្រាប់អ្នកបើកបរ។ កៅអីជាប្រភេទកៅអីជាប់ មានទំហំធំ អ្នកបើកបរមានភាពងាយស្រួល មិនឈឺ ឬចុកចង្កេះ ទោះបីបើកបររយៈពេលយូរ។ ទ្វារទាំងសងខាងអាចបើករហូតដល់ ៩០ ដឺក្រេ ងាយស្រួលក្នុងការឡើងចុះ ដែលធ្វើឲ្យការបើកបរកាន់តែមានលំនឹងល្អ និងកាន់តែមានសុវត្ថិភាព ពិសេសការដឹកទំនិញបានកាន់តែច្រើនជាងមុន។
សូមបញ្ជាក់ថារថយន្តដឹកទំនិញ Isuzu គ្រប់ម៉ូដែលទាំងអស់ គឺត្រូវបានផលិតឡើងទាំងស្រុងពីប្រទេសជប៉ុន ១០០%។
រថយន្ត Isuzu ម៉ូដែលថ្មីនេះមានលក់ជាប្រភេទក្បាលតួសាស់ស៊ី ប្រភេទរថយន្តដឹកទំនិញ ប្រភេទរថយន្តទូរស្ងួត និងប្រភេទរថយន្តទូរក្លាសេ។
រថយន្ត Isuzu ដឹកទំនិញស៊េរីថ្មី ចំណុះ ១តោនកន្លះ ម៉ូដែល QKR55F សម្រាប់តម្លៃក្បាលតួសាស់ស៊ី ត្រឹមតែ ៣២ ៥០០ ដុល្លារ ប៉ុណ្ណោះ រួមទាំងប្រូម៉ូសិនពិសេសៗដូចខាងក្រោម ៖
បញ្ចុះតម្លៃរហូតដល់ ២ ៥០០ ដុល្លារ
ស្លាកលេខរថយន្ត
បិទកញ្ចក់ការពារកម្ដៅថ្ងៃ
កញ្ចប់សេវាថែទាំងរថយន្តចំនួន ៣ដង មានរួមមានការប្ដូរប្រេងម៉ាស៊ីន ប្ដូរតម្រងប្រេងម៉ាស៊ីន បាញ់ខ្លាញ់កាឡេ និងត្រួតពិនិត្យប្រព័ន្ធសុវត្ថិភាពចំនួន ២០ ចំណុច
ការធានាផ្ទាល់ពីរោងចក្រលើបច្ចេកទេស ក្នុងរយៈពេល ២ឆ្នាំ ឬចម្ងាយ ៥០ ០០០ គ.ម
លើសពីនេះក្រុមហ៊ុនក៏មានមជ្ឈមណ្ឌលសេវាកម្មដ៏ធំមានឧបករណ៍គ្រប់ប្រភេទ ទំនើបទាន់សម័យដែលមានបម្រើសេវាកម្មដូចជាជួសជុល ថែទាំង ផ្លាស់ប្ដូរគ្រឿងបន្លាស់ម៉ាក Isuzu គ្រប់ប្រភេទ។ ព័ត៌មានលម្អិតសូមទំនាក់ទំនងទូរសព្ទលេខ ៖ 012 858 013/ 023 901 368 ៕