មើលរូបរាងឡាន Bugatti Chiron មានតែមួយក្នុងលោក ៣ឆ្នាំទើបផលិតរួច

2019-12-24 07:35:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែចូលចិត្តប្រមូលទិញនូវរថយន្តពិសេសៗដាច់គេដាក់ក្នុងឃ្លាំងរបស់ខ្លួននោះ លោក Manny Khoshbin បានធ្វើការកុម្ម៉ង់ជាពិសេសចំពោះរថយន្ត Bugatti Chiron កាលពីឆ្នាំ ២០១៦។

រថយន្ត Bugatti Chiron ដែលអ្នកប្រមូលទិញវត្ថុមានតម្លៃខាងលើបានកុម្ម៉ង់ គឺជាការរួមគ្នាបង្កើតពីសំណាក់ម៉ាកសំលៀកបំពាក់ Hermès និងក្រុមហ៊ុន Bugatti ដែលសុទ្ធតែជាម៉ាកប្រណីតរបស់បារាំង។ រថយន្តត្រូវចំណាយពេល ៣ ឆ្នាំក្នុងការផលិត និងត្រូវបានដាក់ឈ្មោះថា Hermès Edition Bugatti Chiron ដែលមានតែមួយក្នុងលោក។

វាចំណាយពេលយូរក្នុងការផលិត ដោយសារតែ Khoshbin មិនងាយនឹងទទួលយកអ្វីដែលសាមញ្ញនោះទេ។ គេបានសាកល្បងរចនារថយន្តដោយប្រើពណ៌ប្រាក់, ខៀវ និងពណ៌ត្នោត មុននឹងសម្រេចថាប្រើពណ៌ Hermès Craie (ពណ៌ដីស)។

មើលពីក្រៅទៅ រថយន្ត Bugatti នេះមានលក្ខណៈដូចជារថយន្ត Bugatti ធម្មតាដែរ ប៉ុន្តែមិនអ៊ីចឹងទេ។ រន្ធខ្យល់ដែលមានរាងដូចក្រចកជើងសេះនៅខាងមុខគឺច្នៃឡើងដោយអក្សរ H ហើយកាងក្រោយត្រូវបានលាបពណ៌ឲ្យស៊ីនឹងតួខ្លួន។

នៅផ្នែកខាងក្នុងមានឌីហ្សាញដោយសាច់កំណាត់គុណភាពខ្ពស់ ដែលមានរំលេចដោយរូបសេះជាអត្តសញ្ញាណរបស់ Hermès ហើយក្នុងរថយន្តមានស្លាកដែលសរសេរពាក្យថា "មានតែមួយគ្រឿងគត់" នៅច្រើនទីកន្លែងផងដែរ៕

ចុចអាន ៖ មើលវីដេអូបង្ហាញឡាន Lexus 570 ពិសេសឆ្នាំ២០២០ មានកៅអីអង្គុយតែ៤ ពិតជាដកចិត្តមិនរួច (វីដេអូ)

ប្រភព៖ CarandDriver ប្រែសម្រួល៖ សុខហេង