ឡុងដុងវ៉ាដាច់ហុងកុងក្លាយជាក្រុងថ្លៃបំផុតលើលោក
- 2014-09-25 16:15:44
- ចំនួនមតិ 0 | ចំនួនចែករំលែក 0
ឡុងដុងវ៉ាដាច់ហុងកុងក្លាយជាក្រុងថ្លៃបំផុតលើលោក
ចន្លោះមិនឃើញ
ឡុងដុងរបស់ចក្រភពអង់គ្លេស បានក្លាយជាទីក្រុងថ្លៃបំផុតលើលោកប្រចាំឆ្នាំ២០១៤ ដោយបានទម្លាក់ហុងកុងទៅចំណាត់ថ្នាក់លេខ២វិញ។ នេះបើតាមការស្ទាបស្ទង់របស់ក្រុមហ៊ុនផ្ដល់សេវាប្រឹក្សាអចលនទ្រព្យ Savills។
ការធ្វើចំណាត់ថ្នាក់នេះ គឺយោងទៅលើចំណាយក្នុងការរស់នៅ និងប្រាក់ខែដែលទទួលបានពីការងារ។ ភ្នាក់ងារអចលនទ្រព្យ បានចាត់ថ្នាក់ក្រុងឡុងដុងថ្លៃជាងក្រុងស៊ីដនី ២ដង និងថ្លៃជាង ៤ដងបើធៀបនឹងក្រុងរីយ៉ូ ដឺ ជេនេរ៉ូ ប្រទេសប្រេស៊ីល។
និយោជិកម្នាក់ត្រូវចំណាយលើការរស់នៅជាមធ្យម ១២០៥៦៨ដុល្លារក្នុងមួយឆ្នាំនៅឡុងដុង ខណៈនៅស៊ីដនីត្រូវចំណាយ ៦៣៦៣០ដុល្លារ និងនៅរីយ៉ូ ដឺ ជេនេរ៉ូ ត្រូវចំណាយត្រឹមតែ ២៩៧៤២ដុល្លារប៉ុណ្ណោះ។ ចំណែកឯនៅហុងកុងដែលស្ថិតនៅលំដាប់ថ្នាក់ទី២ វិញ និយោជិកម្នាក់ត្រូវចំណាយជាមធ្យម ១១៥៧១៧ដុល្លារក្នុងមួយឆ្នាំ។
កាលពីឆ្នាំ ២០០៨ ឡុងដុងបានឈរនៅលំដាប់ថ្នាក់ទី ៥ ក្នុងចំណោមទីក្រុងថ្លៃបំផុតក្នុងលោក។ ប៉ុន្តែសន្ទស្សន៍ចំណាត់ថ្នាក់បានលោតឡើងយ៉ាងឆាប់រហ័សដល់កំពូលក្នុងឆ្នាំនេះ ដោយសារការកើនឡើងតម្លៃអចលនទ្រព្យ និងរូបិយប័ណ្ណ។
ទីក្រុងថ្លៃជាងគេទាំង ១០ មាន៖
១. ឡុងដុង ចក្រភពអង់គ្លេស
២. ហុងកុង ប្រទេសចិន
៣. ញីវយ៉ក សហរដ្ឋអាមេរិក
៤. ប៉ារីស ប្រទេសបារាំង
៥. តូក្យូ ប្រទេសជប៉ុន
៦. សាំងហ្គាពួរ ប្រទេសសិង្ហបុរី
៧. មូស្គូ ប្រទេសរុស្ស៊ី
៨. ស៊ីដនី ប្រទេសអូស្ត្រាលី
៩. ឌុយបៃ ប្រទេសអារ៉ាប់រួម
១០. សៀងហៃ ប្រទេសចិន
ប្រែសម្រួលដោយ៖ គង់ វិសាល ប្រភព៖ The Guardian