មុនថ្ងៃចូលឆ្នាំចិន វៀតណាមផលិតបានស្មាតហ្វូនកាមេរ៉ាផុស តម្លៃមិនដល់ ២០០ ដុល្លារ
- 2020-01-03 06:46:31
- ចំនួនមតិ 0 | ចំនួនចែករំលែក 0
មុនថ្ងៃចូលឆ្នាំចិន វៀតណាមផលិតបានស្មាតហ្វូនកាមេរ៉ាផុស តម្លៃមិនដល់ ២០០ ដុល្លារ
ចន្លោះមិនឃើញ
Vsmart Active 3 ដែលជាស្មាតហ្វូននៃស្លាកយីហោ Vsmart របស់ក្រុមហ៊ុនវៀតណាម នឹងប្រកាសចេញផ្សាយមុនអំឡុងពិធីបុណ្យចូលឆ្នាំប្រពៃណីជាតិចិននៅចុងខែមករាខាងមុខនេះ។
តាមទំព័រផ្លូវការរបស់ Vsmart បានបង្ហើបថាក្រុមហ៊ុននឹងចេញស្មាតហ្វូនសេរ៊ីឆ្នាំ ២០២០ ប្រើប្រាស់កាមេរ៉ាបែបផុស ទំហំ 16MP និងមានអេក្រង់ផ្ទៃពេញថែមទៀតផង។ ត្បិតមិនទាន់ប្រកាសនូវឈ្មោះ និងតម្លៃផ្លូវការ ប៉ុន្តែតាមគេហទំព័រ FPT Shop បានទម្លាយនូវលក្ខណៈសម្បត្តិ និងតម្លៃលក់រួចជាជាស្រេចហើយ។
Vsmart Active 3 គឺជាជំនាន់វិវត្តន៍បន្តពី Vsmart Active 1 ដែលមានតម្លៃលក់ប្រមាណ ៤,៥ លានដុង ឬប្រហែល ១៩៥ ដុល្លារ។ ជាស្មាតហ្វូនប្រើប្រាស់ RAM 3/4GB និង ROM 64GB ស្របពេលកាមេរ៉ាក្រោយមាន ៣ គ្រាប់ និងខាងមុខមួយគ្រាប់បែប Popup។
គួររំឭកថា Vsmart ជាក្រុមហ៊ុនលក់ស្មាតហ្វូនដាច់បំផុតប្រចាំប្រទេសវៀតណាមលំដាប់ទី ៧ ដោយបច្ចុប្បន្នក្តោបក្តាប់ទីផ្សាររួមប្រមាណ ២,៦ ភាគរយ ត្បិតមានការនាំចូលនូវផលិតផលស្លាកយីហោក្រៅស្រុកល្បីៗជាច្រើនទៀតក៏ដោយ៕
អានអត្ថបទ: