ក្រុម អាយ ធី ស៊ី លើកទី១ចូលលេងពាន Tiger Street Football 2020 ព្រោះការប្រកួតនេះប្លែក

2020-01-24 12:44:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានក្រុមបាល់ទាត់ អាយ ធី ស៊ី មូលហេតុសម្រេចចិត្តចូលរួមលេងពានរង្វាន់បាល់ទាត់ Tiger Street Football 2020 មណ្ឌលប៉ោយប៉ែតឆ្នាំនេះ ដោយសារកម្មវិធីនេះលេងប្លែកខុសពីរាល់ដង និងចង់សាកសមត្ថភាពក្រុមផងដែរ។

ក្រុម អាយ ធី ស៊ី

កីឡាករ ជឿន ភារម្យ ប្រធានក្រុម អាយ ធី ស៊ី បានឲ្យដឹងថា ក្រុមរបស់ខ្លួនទើបតែបង្កើតឲ្យមានឈ្មោះត្រឹមត្រូវឆ្នាំនេះទេ ប៉ុន្តែសមាជិកនិមួយៗបានលេងជាមួយគ្នាច្រើនឆ្នាំមកហើយ។ ដោយសារតែកម្មវិធីបាល់ទាត់ Tiger Street Football 2020 របៀបលេងខុសពីធម្មតា និងចង់សាកសមត្ថភាពក្រុមរបស់ខ្លួនផងនោះ ទើបជំរុញទឹកចិត្តគ្រប់គ្នាឲ្យដាក់ពាក្យសាកល្បងប្រកួតតែម្ដងទៅ។

ទិដ្ឋភាពចាប់គូថ្ងៃមិញ

យ៉ាងណាមិញកីឡាករវ័យ ២២ឆ្នាំខាងលើនេះ ដាក់ក្ដីសង្ឃឹម ៧០% ថាអាចនឹងធ្វើបានល្អ និងមិនញញើតក្រុមខ្លាំងដទៃឡើយ ថែមទាំងប្ដេជ្ញាតស៊ូប្រកួតមិនចុះចាញ់ឡើយ។ តំណាងក្រុមថ្មីថ្មោងនៅប៉ោយប៉ែតនេះក៏ថ្លែងអំណរគុណដល់ក្រុមហ៊ុន Tiger Beer ដែលបានបង្កើតកម្មវិធីបាល់ទាត់នេះឡើង ដើម្បីអ្នកស្រឡាញ់បាល់ទាត់នៅទីនេះមានឱកាសបញ្ចេញសមត្ថភាព។

ទិដ្ឋភាពចាប់គូថ្ងៃមិញ

ជម្រាបដែរថាការប្រកួតពានរង្វាន់ Tiger Street Football 2020 មណ្ឌលក្រុងប៉ោយប៉ែតនេះធ្វើឡើងរយៈពេល២ថ្ងៃ គឺចាប់ពីថ្ងៃទី២៥ ដល់ ២៦ ខែមករា នៅបរិវេណកាស៊ីណូផ្កាយ 5 មុនផ្សារ Big C។ ក្រុមដែលចូលរួមប្រកួតឆ្នាំនេះគឺមានចំនួន ៨២ក្រុម ហើយនឹងចាប់ផ្ដើមប្រកួតពីម៉ោង៧ព្រឹកស្អែកនេះតទៅ។ បន្ទាប់ពីប្រកួតចប់ក៏មានការប្រគំតន្រ្តីកម្សាន្តនៅពេលរាត្រីចំនួនពីរយប់ទៀតផង។

ក្នុងមណ្ឌលប៉ោយប៉ែតនេះគឺតម្រូវយក៦ក្រុមបានឡើងទៅវគ្គផ្ដាច់ព្រ័ត្រនៅរាជធានីភ្នំពេញ ថ្ងៃទី២៩ កុម្ភៈ និងទី១ មីនា ២០២០៕