ចាប់អារម្មណ៍អត់? ទូរសព្ទថតជាប់ក្នុងរឿង Fast 9 ជាម៉ាកនេះសោះមានតម្លៃ ១ ២០០ ដុល្លារ

2020-02-04 03:22:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះឈុត Trailer នៃភាពយន្ត Fast and the Furious ឆ្នាំ ២០២០ ត្រូវបានចេញផ្សាយ ហើយក៏ទទួលបានការគាំទ្រជាខ្លាំង ជាពិសេសអ្នកដែលធ្លាប់ទស្សនាភាពយន្តនេះកាលពីវគ្គមុនៗ។

ក្នុងឈុតកំឡុងពេកបើករថយន្តដោយតួអង្គលោក Dominic Toretto (Vin Diesel) និងតួអង្គ Han Lue (Sung Kang) គេប្រទះឃើញមានបំពាក់នូវទូរសព្ទមួយគ្រឿងជាប់តាបឡូខាងមុខក្នុងរថយន្ត។ តាមការចុះផ្សាយរបស់គេហទំព័របរទេសបានឲ្យដឹងថាវាជាស្មាតហ្វូន RED Hydrogen One Phone ដែលក្នុងភាពយន្តទំនងជាប្រើសម្រាប់មើលប្រព័ន្ធ GPS។

តម្លៃលក់របស់វានៅលើទីផ្សារអាមេរិកថ្លៃប្រមាណ ១ ២០០ ដុល្លារ តែស្មាតហ្វូនម៉ូឌែលនេះគឺមិនទទួលបានជោគជ័យឡើយ។

ជាការពិតការថតភាពយន្ត F9 ធ្វើឡើងតាំងពីខែមិថុនា ឆ្នាំ ២០១៩ ជួនពេលដែល RED នៅកំពុងលក់ស្មាតហ្វូនរបស់ខ្លួននិងប្រកាសពីផែនការណ៍ចង់ចេញផ្សាយជំនាន់ Hydrogen Two ទៀតផង។ រហូតមកដល់ខែតុលាកន្លងទៅ ក្រុមហ៊ុនបានប្រកាសលុបចោលផែនការណ៍នោះវិញ តែចៃដន្យអីស្មាតហ្វូនជំនាន់ទី ១ បានជាប់ក្នុងឈុតឆាកនៃភាពយន្តល្បីឈ្មោះនេះរួចបាត់ទៅហើយ៕

អានអត្ថបទ:

ប្រភព៖ theverge ប្រែសម្រួល៖ កៅ រក្សា