រិន សារ័ត្ន ឡើងប្រកួតជុំទី២សប្ដាហ៍នេះមាន លៀង ស៊ីពេជ្រ ឆ្លាម ស សែន រ៉ាដេត ជួយបង្ហាត់
- 2020-02-06 07:18:22
- ចំនួនមតិ 0 | ចំនួនចែករំលែក 0
រិន សារ័ត្ន ឡើងប្រកួតជុំទី២សប្ដាហ៍នេះមាន លៀង ស៊ីពេជ្រ ឆ្លាម ស សែន រ៉ាដេត ជួយបង្ហាត់
ចន្លោះមិនឃើញ
អ្នកលេងគុនខ្មែរ រិន សារ័ត្ន ថាការតៀមឡើងសង្វៀន TV5 ជុំទី២នេះបានតិចតួចនោះទេ ដោយសារតែដឹងការប្រកួតយឺតពេក ប៉ុន្តែបានកីឡាករឆ្នើមៗដូចជា លៀង ស៊ីពេជ្រ សែន រ៉ាដេត ជាដើមជួយកាន់ស៊ីប និងចាប់ឡាំមជង្គង់។
រិន សារ័ត្ន បានឲ្យដឹងមុននេះថា សម្រាប់ការប្រកួតជាមួយកីឡាករ អ៊ុង កំសត់ ជុំទី២នេះសង្ឃឹមទទួលជ័យជម្នះច្រើន ដោយសារតែឃើញដៃគូ និងបានដឹងពីសមត្ថភាពរួចហើយ។ មួយវិញទៀតខ្លួនឯងផ្ទាល់មានសមត្ថភាពកើនជាងមុន ដោយសារតែមាន លៀង ស៊ីពេជ្រ សែន រ៉ាដេត និង ឆ្មាម ស ជាដើមបានជួយបង្ហាត់បង្រៀន និងចាប់ឡាំមជង្គង់។
កីឡាករដើមកំណើតមកពីព្រៃវែងរូបនេះបន្តទៀតថា មែនទែនទៅខ្លួនទើបតែដឹងថាត្រូវប្រកួតប៉ុន្មានថ្ងៃមុននេះទេ ដូច្នេះបុកហាត់ខ្លាំងទើបតែ២-៣ថ្ងៃនេះ ប៉ុន្តែជារៀងរាល់ថ្ងៃគឺបានហ្វឹកហាត់ដោយខ្លួនឯង និងបង្ហាត់សិស្សជាប់រហូតផងដែរ។
រំលឹកដែរថា ការប្រកួតជម្រុះចាញ់ធ្លាក់ពានរង្វាន់ TV5 ទម្ងន់ ៦៣,៥គីឡូក្រាមបានឈានដល់ជុំទី២ វគ្គ១៦នាក់ចុងក្រោយហើយ។ សប្ដាហ៍នេះគឺមាន២គូដូចរាល់ដង រិន សារ័ត្ន ប៉ះ អ៊ុង កំសត់ និង អៀប លីឆា ប៉ះ ខាំ សាបាន នាថ្ងៃសៅរ៍ ទី៨ ខែកុម្ភៈ ២០២០នេះ៕