ក្រសួងវប្បធម៌អំពាវនាវប្រជាពលរដ្ឋឲ្យប្រើប្រាស់ទិវា ១៤កុម្ភៈឲ្យស្របតាមគន្លងប្រពៃណីខ្មែរ

2020-02-11 12:32:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងវប្បធម៌ និងវិចិត្រសិល្បៈ បានចេញសេចក្ដីអំពាវនាវនៅក្នុងថ្ងៃទី១១ ខែកុម្ភៈ ឆ្នាំ២០២០ ដើម្បីធ្វើការអំពាវនាវដល់បងប្អូនប្រជាពលរដ្ឋអំពីអត្ថន័យនៃទិវានៃក្ដីស្រលាញ់ ឲ្យសមស្របនឹងបរិបទនៃវប្បធម៌ខ្មែរ។

ក្រសួងបានកត់សម្គាល់ថា នាពេលបច្ចុប្បន្ននេះ ទិវានៃក្ដីស្រលាញ់កំពុងតែជ្រៀតចូលក្នុងសង្គមជាតិ ពិសេសស្រទាប់យុវវ័យ ដែលធ្វើឲ្យមានការប្រើប្រាស់ដោយភ័ន្តច្រឡំ ហើយប៉ះពាល់នឹងវប្បធម៌ ទំនៀមទម្លាប់ និងប្រពៃណីជាតិ។

ទន្ទឹមនឹងនេះ ក្រសួងបានយល់ថា ទិវានេះសម្រាប់ប្រទេសកម្ពុជា គួរតែជាឱកាសក្នុងការចែកចាយ និងធានានូវក្ដីស្រលាញ់សម្រាប់មនុស្សជុំវិញខ្លួន ក្រោមរូបភាពការជួបជុំ ពិភាក្សាគ្នា ទទួលទានអាហាររួមគ្នា ជាដើម។

ជាមួយគ្នានេះដែរ ក្រសួងក៏អំពាវនាវឲ្យចូលរួមផ្សព្វផ្សាយ អប់រំ ពន្យល់ណែនាំ ក្រើនរំលឹកឲ្យប្រើប្រាស់ទិវានេះ ឲ្យស្របតាមគន្លងនៃវប្បធម៌ខ្មែរ៕

ខាងក្រោមនេះជាសេចក្ដីអំពាវនាវផ្លូវការរបស់ក្រសួងវប្បធម៌ និងវិចិត្រសិល្បៈ៖