កាន់តែបារម្ភ! បុគ្គលិកពេទ្យ Wuhan យ៉ាងហោច ៥០០នាក់ឆ្លងកូរ៉ូណាវីរុស

2020-02-12 03:34:05
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់បុគ្គលិកពេទ្យ ៥០០នាក់ក្នុងទីក្រុង Wuhan បានឆ្លងកូរ៉ូណាវីរុសដែលបណ្ដាលឲ្យមានកង្វះខាតអ្នកធ្វើការនៅមន្ទីរពេទ្យ និងការបារម្ភជាខ្លាំងចំពោះសុខភាព។

យោងតាមប្រភពពីពេទ្យជាច្រើនបញ្ជាក់ថា រដ្ឋាភិបាលបានព្យាយាមបិទបាំងតួលេខពិតពីបុគ្គលិកពេទ្យដែលឆ្លងជំងឺ ហើយប្រាប់ឲ្យវេជ្ជបណ្ឌិត និងគិលានុបដ្ឋាយិកាទាំងអស់ផ្សព្វផ្សាយរឿងនេះជាសាធារណ។ ហេតុផលសម្រាប់បទបញ្ជា នេះមិនត្រូវបានពន្យល់ទេប៉ុន្តែអាជ្ញាធរបានព្យាយាមលើកទឹកចិត្តបុគ្គលិកពេទ្យជួរមុខជាពិសេសបន្ទាប់ពីមរណភាពរបស់ Li Wenliang ដែលត្រូវបានសម្លាប់ដោយជំងឺជាច្រើនសប្តាហ៍បន្ទាប់ពីត្រូវបានស្តីបន្ទោសដោយប៉ូលីសចំពោះការព្រមានដល់មិត្តរួមការងារអំពីវីរុសថ្មីនេះ។ យ៉ាងណាមិញ ប្រភពពីគ្រូពេទ្យពីរនាក់មកពីមន្ទីរពេទ្យធំៗក្នុងទីក្រុង Wuhan បញ្ជាក់ថាគិតត្រឹមពាក់កណ្ដាលខែមករា បុគ្គលិកពេទ្យឆ្លងវីរុសយ៉ាងហោច ៥០០នាក់ ខណៈ ៦០០នាក់ទៀតស្ថិតក្រោមការសង្ស័យ។

គួរឲ្យដឹងថា ចំនួនអ្នកស្លាប់ជាផ្លូវការពីការផ្ទុះឡើងនៃវីរុសកូរ៉ូណា បានកើនឡើងនៅថ្ងៃពុធនេះ ដល់ ១ ១១៣ នាក់ហើយដោយរដ្ឋាភិបាលនិយាយថាការឆ្លងសរុបបានកើនឡើងដល់ ៤៤ ៦៥៣នាក់៕